1 ŴaKaronga 6:16 - Tonga Bible 1986

¹⁶ Wanguzenga mikono machumi ghaŵi (20) kuvuli kwa nyumba ndi mathabwa gha milanji kutuwa pasi kufika ku mapasu, ndipo wanguzenga ichi mukati nge ndi malo ghatuŵa, gha mukati ukongwa, nge ndi malo ghatuŵa kwakuruska.

1 ŴaKaronga 6:16 Referans Kwoze

2 Mikoka 3:8

Ndipo wanguchita malo ghakupaturika; utali wake wenga wakuyana ndi usani wa nyumba, wo wenga mikono machumi ghaŵi, ndi usani wake wenga mikono machumi ghaŵi, wangughamata ndi matalente gha golide lamampha machumi pe chumi ghankhonde ndi limoza (600).

1 ŴaKaronga 8:6

sono ŵazukuru ŵanguza ndi bokosi la phanganu la Ambuya ku malo ghake, mu malo ghakupaturika gha mukati ukongwa gha nyumba yo, mu malo ghatuŵa kwakuruska, kusi ku mapapa gha makerubi.

ŴaHebere 9:3

Ndipo parweka pa chijaru chachiŵi, chihema cho chizumbulika Malo Ghakupaturika gha Ghakupaturika;

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Ezekiele 45:3

Ndipo mu charu chituŵa ichi mupimemo chigaŵa cha mikono vikwi machumi ghaŵi ndi vinkhonde (25,000) utali, ndi vikwi chumi (10,000) usani, mwenimo ndimo mukaŵanga malo ghakupaturika, malo ghatuŵa ukongwa.

1 ŴaKaronga 6:5

Wanguzenga so chakuchirikiriya chimati cha nyumba, chakuzunguliya vimati vya nyumba, vyose viŵi malo gha pakati ndi malo ghatuŵa gha mukati ukongwa; wanguchita vipinda vya mumphepete kuzunguliya kosekose.

Chituwa 26:23

Ndipo mukachitanga vikhozgero viŵi vya nyondo za chihema chakuwunganamo kuvuli kwake;

1 ŴaKaronga 6:17

Nyumba, yo ndi nyumba ya pakati, paurongo pa malo ghatuŵa gha mukati, yenga mikono machumi ghanayi (40) mu utali.

1 ŴaKaronga 7:7

Ndipo wanguzenga Chipinda chikuru cha Chitengo cha ufumo cho penga pakutauliya cheruzgu, cho chenga Chipinda cha Kweruzgiyamo, chinguchitika ndi milanji kutuwa pasi mpaka ku mapasu.

Ezekiele 41:4

Ndipo wangupima utali wa chipinda, mikono machumi ghaŵi (20) usani wake machumi ghaŵi (20), panthazi pa kasopi. Sono wangunena nane, Yagha ndi malo ghatuŵa ukongwa kwakuruska.