1 ŴaKaronga 5:9 - Tonga Bible 1986

⁹ Ŵaŵanda ŵangu ŵazengi nagho kusiskiya ku nyanja kutuwa ku Lebanoni, ndipo ine ndikaghachitanga ulaka nchiyaghara kuti vikenge mu nyanja kuya ku malo gho ukambenge, ndipo ndamukughafwatuliya penipa viyo iwe ukaghalondiyanga, ndipo ukakhorweskanga khumbu langu pakupaska chakurgha ku ŵanyumba yangu.”

1 ŴaKaronga 5:9 Referans Kwoze

Ezekiele 27:17

Yuda ndi Yisraele ŵanguchita nawe maronda; ŵangugulana nawe trigu, ma olive ndi nkhuyu za mruwuku, uchi, mafuta, ndi mankhwala ghakuchizgiya.

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

Machitidu gha Ŵakutumika 12:20

Herode watundiriyanga ukongwa pa ŵaTuro ndi ŵaSidoni: ndipo ndi mtima umoza ŵanguziya kwaku iyo, ndipo, ŵati ŵawoja. Elasto, mlindachita wa karonga yo, ŵapemphanga chimangu chifukwa charu chawo chinguhiŵika ndi cho chaufumu.

2 Mikoka 2:16

ndipo tikatemanga miti yose yo mungakhumba kutuwa ku Lebanoni, ndi kuza nayo kwaku imwe mu maphaka mu nyanja pe mpaka kufika nayo ku Yopa, mwakuti kutuwa ko muzachiyitore ku Yerusalemu.”

2 Mikoka 1:15

Ndipo karonga wanguchita siliva ndi golide vinandi nge ndi mya mu Yerusalemu, ndi so miti ya milanji yinandi nge ndi miti ya mikuyu mu dambo mu unandi wake.

Marangu 3:25

Ndimurombani imwe mundizomerezge ndimbuke, nkhawone charu chamampha cho che kusirgha la Yordane, vifya viya vyamampha, ndi Lebanoni.’

1 ŴaKaronga 5:8

Hiramu wangutuma kwaku Solomoni, wanguti, “Ndavwa uthenga wo wanditumiya; nde wakurongosoreka kuchita vyose vyo ukhumba mu makani gha milanje ndi miti ya miŵaŵa.

1 ŴaKaronga 5:10

Voyo Hiramu wangupereka kwaku Solomoni miti yose ya milanje ndi miŵaŵa yo ŵangukweŵeka,

1 ŴaKaronga 9:27

Ndipo Hiramu wangutuma ngaraŵa ndi ŵaŵanda ŵake wo ŵenga ŵamlima nyanja wo ŵanguziŵiriyana ndi nyanja, pamoza ndi ŵaŵanda ŵaku Solomoni,

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

2 Mikoka 9:22

Viyo karonga Solomoni wanguruska mafumu ghose gha mu charu chapasi mu usambasi ndi zeru.

Jobu 32:8

Kweni mzimu waku Chiuta wemu munthu, ndi mvuchi waku Wanthazi zose utumupaska zeru.

Wakutaula 1:16

Ndingurongoro mu mtima wangu, “Ndaŵa wa vinjeru vikuru, kuruska wose wo ŵenga mu Yerusalemu ine ndindaŵeko; ndipo mtima wangu waziŵa vikuru vya zeru ndi kuwamo.”