1 ŴaKaronga 5:5 - Tonga Bible 1986

⁵ Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’

1 ŴaKaronga 5:5 Referans Kwoze

1 Mikoka 22:10

Wakazengiyanga zina langu nyumba. Waŵenge mwana wangu, ine ndiŵenge wiske wake, ndipo nkhakhozganga chitengo chake cha ufumu mu Yisraele muyaya.’

1 Mikoka 17:12

Wakandizengiyanga nyumba, ndipo nkhakhozganga chitengo cha ufumu wake muyaya.

1 Mikoka 28:6

Ŵanguti kwaku ine, ‘Solomoni mwana wako ndiyo wakazenganga nyumba yangu ndi maluluwa ghangu, chifukwa ndamusankha kuŵa mwana wangu, ndipo ine ndiŵenge wiske.

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

1 ŴaKaronga 8:19

Ndipuuli kuti uyizengenge cha nyumba yo, kweni mwana wako yo ukapapanga wakazengiyanga nyumba zina langu.’

ŴaLevi 25:18

“Viyo mukachitanga malangulu ghangu, ndi kusunga vyeruzgu vyangu kuvichita; po ndipo mukajanga mu charu cho kwambura kopa.

ŴaLevi 25:19

Charu chikapasanga vipasi vyake, ndipo imwe mukarghanga kwakuguta, ndi kuja mwaku cho kwambura mantha.

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Ŵeruzgi 20:1

Sono ŵaYisraele ŵangutuwa, kwamba ku Dani kufika ku Beresheba, ndi charu chaku Gileada, ndipo mpingu wo unguwungana uli ndi munthu yumoza ku Ambuya pa Mizipa.

2 ŴaKaronga 18:31

Mungavwangako cha kwaku Hezekiya, pakuti karonga wa Asiriya watiti, ‘Chitani chimangu ndi ine ndipo zani kwaku ine po ndipo yose waku imwe wakarghanga vya mphereska ya mweneko, yose vya mkuyu wa mweneko, ndipo we yose waku imwe wakamwanga maji gha chisima cha mweneko;

Mika 4:4

Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Zekariya 3:10

Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”