1 ŴaKaronga 22:42 - Tonga Bible 1986

⁴² Yehosafati wenga wa virimika machumi ghatatu ndi vinkhonde (35) panyengo yo wangwambiya kuwusa, ndipo wanguwusa virimika machumi ghaŵi ndi vinkhonde (25) mu Yerusalemu. Zina la anyina lenga Ezeba mwana waku Shiliti.

1 ŴaKaronga 22:42 Referans Kwoze

2 ŴaKaronga 8:16

Mu chirimika cha chinkhonde chaku Yoramu mwana waku Ahabu, karonga waYisraele, Yehoramu mwana waku Yehosafati karonga waku Yuda, wangwamba kuwusa.

2 ŴaKaronga 1:17

Viyo wangufwa kwakuyana ndi mazu gha Ambuya gho wangukamba Eliya. Yehoramu mwana munyake, wangusere ufumu mu malo ghake, mu chirimika chachiŵi chaku Yehoramu mwana waku Yehosafati, karonga waku Yuda, chifukwa Ahaziya wenga mwana munthurumi.

1 ŴaKaronga 15:10

wanguwusa virimika machumi ghanayi ndi chimoza (41) mu Yerusalemu. Zina la anyina lenga Makamwana waku Abishalomu.

1 ŴaKaronga 15:2

Wanguwusa virimika vitatu mu Yerusalemu; zina la anyina lenga Maka mwana waku Abishalomu.

1 ŴaKaronga 14:21

Sono Rehoboamu mwana waku Solomoni wanguwusa mwaku Yuda. Rehoboamu wenga wavirimika machumi ghanayi ndi chimoza (41) wachamba kuwusa, ndipo wanguwusa virimika chumi pachanya vinkhonde ndi viŵi (17) mu Yerusalemu, msumba wo Ambuya angusankha mukati mwa mitundu yose yaku Yisraele, kuŵika zina lawo mwenimuwa. Zina la anyina lenga Nama mwina Amoni.

1 ŴaKaronga 22:41

Yehosafati mwana waku Asa wangwamba kuwusa paku Yuda muchirimika cha chinayi chaku Ahabu karonga waku Yisraele.

1 ŴaKaronga 22:43

Wangwenda mu nthowa yose yaku Asa awiske, kuti wangupatukako cha kwaku yo, wanguchita cho nchamampha mu maso gha Ambuya, kweni malo gha pachanya ghengavi kutuzgikapo. Viyo ŵanthu ŵenga ŵeche kupereka ndi kocha vyachema pa malo gha pachanya.

2 Mikoka 20:31

Yehosafati wanguwusa paku Yuda; wenga wa virimika machumi ghatatu pachanya vinkhonde (35) wachamba kuwusa, wanguwusa virimika machumi ghaŵi pachanya vinkhonde (25) mu Yerusalemu. Zina la ŵanyina lenga Azuba, mwana waku Shili.