1 ŴaKaronga 22:11 - Tonga Bible 1986

¹¹ Ndipo Zedekiya mwana waku Kenani wangujipangiya masengwe gha chisulo, ndi wanguti, “Viyo atiti Ambuya, ‘Ndi yagha mwamudikiska ŵaSiriya mpaka po ŵamara.’ ”

1 ŴaKaronga 22:11 Referans Kwoze

Marangu 33:17

Nkhuzi yake ya umwali yendi uchiyembwe. Masengwe ghake ndi masengwe gha njati, ndi ghenagha wakafwenkhuliyanga ŵanthu wose, kwachifika ku vigoti vya charu chapasi. Viyo ndimo ŵalili vikwi chumi (10,000) ŵaku Efraimu, ndimo so ŵalili vikwi chumi (10,000) ŵaku Manase.”

2 Timote 3:8

kweni uli ndimo Janese ndi Jambrese ŵangumikirana ndi mosese, viyo iwo nawo ŵamikana ndi uneneska wo, pakuŵa ŵanthu ŵakuwo mu chinjeru, ŵakupatika kuchiri ku chivwanu.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Yeremiya 29:21

‘Ambuya atiti, Chiuta waku Yisraele, gha paku Ahabu mwana waku Kolaya ndi Zedekiya mwana waku Maseya, ŵeniwo ŵachima utesi kwaku imwe mu zina langu; Ehe, ndikaŵaperekanga mu janja laku Nebukadanezara karonga wa Babiloni, ndipo wakabayanga paurongo pa maso ghinu.

Yeremiya 27:2

Viyo anguti Ambuya kwaku ine: “Ujichitiye vyakumangiya vyachikumba ndi magori, ndipo uviŵike pa khosi lako.

Yeremiya 23:31

Ehe, ndimikana ndi ŵamchimi, atiti Ambuya, wo ŵakamba ndi malilime ghawo, kuti, ‘Atiti Ambuya.’

Yeremiya 23:25

Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

1 ŴaKaronga 22:12

Ndipo ŵamuchimi wose ŵanguchima kwakukozgana, ŵanguti, “Kweriyani ku Ramoti-gileada mwamupunda, Ambuya akuwupereka mu janja la karonga.”

1 ŴaKaronga 22:24

Sono Zedekiya mwana waku Kenani wangundere kufupi, wangupuma Mikaya pa dakama, wanguti, “Ungutuwako uli Mzimu wa Ambuya kwangu kwachirongoro ndi iwe?”

Danyele 8:4

Ndinguwona mberere yiphandiya kuchiri ku zambwe, ku nkhonde ndi ku malaŵi; kwengavi nyama yakuti yime paurongo pake, ndi kwengavi wakutaska mu janja lake; kweni yinguchita mo yingukhumbiya, ndi yingujikuzga yeneko.

Yeremiya 23:16

Viyo atiti Ambuya ŵa maŵanja, “Rekani kutegherezga ku mazu gha ŵamchimi ŵeniwo ŵatimuchimiyani, ŵatukuzazani ndi vyakugomezga vyambura kanthu: ŵakamba viwona vya maghanughanu ghawo, kuti vyakutuwa ku mlomo wa Ambuya cha.