1 ŴaKaronga 21:25 - Tonga Bible 1986

²⁵ Pengavi yumoza mweniyo wangujiguliska kuchita mphurupuru mu maso gha Ambuya, kwakulingana ndi Ahabu, mweniyo wangunyengeka ndi Yezebelu muwoli wake.

1 ŴaKaronga 21:25 Referans Kwoze

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

Nthanthi 22:14

Mlomo wa munthukazi wa masumasu ndi zenji litali; mweniyo Ambuya wamukalariya wawenge mwaku lo.

Wakutaula 7:26

Ndipo ndingusaniya chinthu chakuŵaŵa ukongwa kuruska nyifwa, ndi munthukazi yo mtima wake ndi viŵana ndi mikwau, mweniyo manja ghake ndi unyoro; yo wakondweska Chiuta wapozomokenge kwaku iyo, kweni wakulakwa watoreka ndi iyo.

ŴaRoma 6:19

Ndikamba nge ndi munthu pa chifukwa cha udomboto wa liŵavu linu; chifukwa uli ndimo mungupereke viŵaru vinu nge mbaŵanda ku ukazuzi ndi ku uchikana-marangu kuya ku uchikana-marangu, viyo sono viperekeni viŵaru vinu nge mbaŵanda ku urunji kuya ku kupaturika.

Machitidu gha Ŵakutumika 14:2

Kweni ŵaYuda ŵakutafula Wanguyuska ndi ŵangusosomole mizimu ya ŵaMitundu wo pa ŵabali.

1 ŴaKaronga 21:7

Ndipo Yezebelu muwoli wake wanguti kwaku iyo, “Kumbi uteruzga Yisraele sono? Yuka, urghe kurgha, ndipo mtima wako usangaruke; ine ndikakupaskanga munda wa mphereska waku Naboti mu Yezerele yo.”

Machitidu gha Ŵakutumika 6:12

Ndipo ŵanguyuska khamu lo, ndi so ŵara, ndi ŵalembi, ndipo pakuziya pake ŵangumkwekwete nthazi ŵangumgumizgiya ku upu wo,

Yesaya 52:3

Pakuti viyo atiti Ambuya: “Mungusaskika kwambura mtengo ndipo mukawombolekanga kwambura ndrama.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

2 ŴaKaronga 23:25

Paurongo pake pengavi karonga wakukozgana nayo, mweniyo wanguwere ku Ambuya ndi mtima wake wose ndi mzimu wake wose ndi nthazi yake yose kwakuyana ndi dangu lose laku Mosese, chingana nkhuyukapo yumoza pavuli paku iyo.

2 ŴaKaronga 17:17

Ndipo ŵangocha ŵana ŵawo ŵanthurumi ŵanthukazi kuŵa mipasku ndipo wanguchita maula ndi kombeza ndipo ŵangujiguliska ku kuchita uheni mu maso gha Ambuya kuŵasosomole ku ukari.

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

ŴaRoma 7:14

Chifukwa tiziŵa kuti chilangulu cho nchamzimu: kweni ine nde wanyama, wakugulika muŵanda ku ulakwi.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

1 ŴaKaronga 22:52

Wanguchita mphurupuru mu maso gha Ambuya, ndipo wangwenda mu nthowa ya awiske, ndi munthowa ya anyina, ndi munthowa yaku Yeroboamu mwana waku Nebati, yo wanguchitiska ŵaYisraele kulakwa.

2 ŴaKaronga 9:34

Pavuli wangusere mu nyumba wangurgha ndi kumwa, ndipo wanguti, “Sono wonanipo pa munthukazi uyu wakutembeka, muŵikeni pakuti ndi mwana wakaronga.”

Chituwa 34:16

Mungatole ŵana ŵinu ŵanthurumi ŵana ŵawo ŵanthukazi cha, vinu ŵana ŵawo ŵanthukazi ŵachitiyenge uheni ŵachiuta ŵawo ndi kuchitiska ŵana ŵinu ŵanthurumi uheni pakurondo ŵachiuta ŵawo.

1 ŴaKaronga 16:25

Omri wanguchita chiheni mu maso gha Ambuya, ndipo wanguchita mauheni ghakuruska wose wo ŵengako paurongo pake.

1 ŴaKaronga 22:53

Wangutataliya Bala ndi wangumulambiya, ndi wangusosomole Ambuya, Chiuta waku Yisraele, ku ukari mu nthowa yose yo awiske wanguchita.

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

Nehemiya 13:26

Si wangulakwa Solomoni karonga waku Yisraele chifukwa cha ŵanthukazi ŵa viyo? Mukati mu mitundu yinandi mwengavi karonga wakuyana nayo, ndipo wangwanjiwa kwaku Chiuta wake, ndipo Chiuta wangumumika kuŵa karonga pa ŵaYisraele wose: ndipuuli ŵanthukazi ŵa chilendo ŵangumulakwiska.