1 ŴaKaronga 21:13 - Tonga Bible 1986

¹³ Ndipo ŵanthu ŵatesi ŵaŵi wo ŵangusere ndi ŵanguja pasi pakuthyana nayo, ndipo ŵanthu ŵatesi wo ŵangutole Naboti mlando paurongo pa ŵanthu, ŵanguti, “Naboti wangutuka Chiuta ndi karonga.” Viyo ŵangumutuzga mu msumba ŵangumudina ndi mya wangufwa.

1 ŴaKaronga 21:13 Referans Kwoze

2 ŴaKaronga 9:26

‘Kwakuneneska mo la zana ndinguziwone ndopa zaku Naboti ndi ndopa za ŵana ŵake, atiti Ambuya; ndazamukukuwezge pa munda wenuwu?’ Viyo sono munyamuwe umupong'e pa malo gha munda uwu, kwakuyana ndi mazu gha Ambuya.”

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Machitidu gha Ŵakutumika 6:11

Ndipo ŵangupangizga kwautesi wo ŵakambanga kuti, “Tamuvwa wachirongoro vyautokosi paku Mosese, ndi paku Chiuta iyo.”

Yohane 19:12

Kutuwa penipa Pilato wangukhumba kumufwatuwa: kweni ŵaYuda ŵakamburanga, ŵakuti, “Asani ungamufwatuwa uyu, kuti ndiwe bwezi laku Kaisare cha: yose wakujisanduska karonga, wamikana ndi Kaisare.”

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Mateyu 9:3

Ndipo, ŵanyake ŵa ŵalembi ŵangunena mwaku ŵija, “Watuka uyu.”

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Amosi 7:10

Penipo Amaziya mzukuru mura waku Betele wangutuma kwaku Yeroboamu, karonga waku Yisraele; kuti, “Amosi watukuŵemba mukati mu nyumba yaku Yisraele; charu kuti chingaziŵa kuronde mazu ghake ghose cha.

Yesaya 8:21

Wakayendanga mu charu, ŵakusuzgika ukongwa ndi ŵakuvwa nja, ndipo penipo ŵakaŵanga ndi nja ŵakakaripanga ndi watembenge karonga wawo ndi Chiuta wawo, ndipo ang'anamuskiyenge maso ghawo kuchanya,

Wakutaula 10:20

Ungatembanga karonga cha nanga ndi mu maghanaghano ghako, nanga nkhutemba musambasi muchipinda chako cha kugonamo; pakuti kayuni ka mude kapingenge mazu ghako, pamwenga chakuwuluka ndi mapapa chinyake chikambenge makani.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Nthanthi 25:18

Munthu mweniyo watole chisimisimi cha utese pa muzengezgani wake, we uli ndi nthonga ya nkhondo, pamwenga lipanga pamwenga muvwi wakuthwa.

Nthanthi 19:9

Kaboni mutesi kuti warekenge kulangika cha, ndipo mweniyo wakamba mautesi wakafwanga.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Sumu 35:11

Ŵakaboni ŵakari ŵayuka; ŵatindifumba vyo ine kuti nditiviziŵa cha.

Sumu 27:12

Rekani kundipereka ku khumbo la wakupindikana nane; pakuti ŵakaboni ŵatesi ŵandiyukiya ndipo ŵatuta chiwawa.

Jobu 2:9

Viyo muwoli wake wanguti kwaku iyo, “Kumbi weche kungangamikiya pa urunji wako? Umunyozi Chiuta mwakuti ufwe.”

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

Marangu 13:10

Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

Marangu 5:20

“ ‘Ungatiya chisimisimi cha utesi pa munyako.

Chituwa 20:16

“Ungatoliyanga ukaboni wautesi pa munyako.

ŴaHebere 11:37

Wangupong'eka mya ŵanguchekeka, ŵangweseka, ŵangubayika ndi lipanga: ŵanguwurawura ŵakuvwara vikopa vya mberere ndi vikopa vya mbuzi: ŵakavu, ŵakusuzgika, ŵakuchitika uheni,

1 ŴaKaronga 21:14

Pavuli ŵangutuma kwaku Yezebelu, kuti, “Naboti wadinika ndi mya, wafwa.”

2 ŴaKaronga 6:32

Elisha wenga munyumba yake, ndipo ŵaraŵara ŵanguja pamoza nayo. Sono karonga wangutuma munthu kutuwa pa maso pake, kweni muthenga yuwa wenga wandafike Elisha wanguti ku ŵaraŵara, “Mwawona, mo uyu mubayaŵanthu wanditumiya munthu kuti wazidumuwe mutu wangu? Ehe, asani muthenga uyu waza mujare chisasa, ndi muchikhozge ukongwa chimutonde kujura. Kumbi mdinu wakuchapuka kwa mbuyake kuti wekuvuli kwake cha?”

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

Jobu 31:39

asani ndargha vipasi vyake kwambura kulipa ndrama, ndi kuŵatayiska umoyo ŵeneko ŵaku vyo;

Nthanthi 19:28

Kaboni wambura kwene wanyoza cheruzgu chirunji, ndipo mlomo wa wamphulupulu uparuwa kwananga.