1 ŴaKaronga 21:10 - Tonga Bible 1986

¹⁰ Ndipo mumike ŵanthu ŵatesi ŵaŵi ŵakumikana nayo, ndipo yaŵa ŵampaske mulando, kunena kuti, ‘Iwe watuka Chiuta ndi karonga.’ Pavuli mumutuzge, mumudine ndi mya kuti wafwe.”

1 ŴaKaronga 21:10 Referans Kwoze

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

Machitidu gha Ŵakutumika 6:11

Ndipo ŵangupangizga kwautesi wo ŵakambanga kuti, “Tamuvwa wachirongoro vyautokosi paku Mosese, ndi paku Chiuta iyo.”

Marangu 19:15

“Kaboni yumoza pe kuti wakaruskanga pa mrandu we wose wa munthu cha, pamwenga pa kuchimwa kwe kose wangachita; kweni pa ukaboni wa ŵakaboni ŵaŵi pamwenga wa ŵakaboni ŵatatu, po ndipo mrandu ukazomerezgekanga.

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Machitidu gha Ŵakutumika 6:13

ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu;

Yohane 10:33

Ŵangumwamuka ŵaYuda, “Kuti tikupong'a mya chifukwa cha nchitu yamampha cha, kweni pa chifwa cha utusi, ndi so pakuti iwe, pakuŵa munthu, uzisanduska Chiuta.”

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

1 ŴaKaronga 21:9

Ndipo wangulemba viyo mu ŵakalata wo, “Memezani kufunga, ndipo mumukwezge pachanya Naboti mukati mu ŵanthu.

1 ŴaKaronga 21:11

Ndipo ŵanthu ŵamu msumba wake, ŵara ndi ŵanangwa wo ŵajanga mu msumba, wanguchita nge ndimo Yezebelu wangutumiya mazu kwaku iwo. Ulaka ndimo kungulembeke mu ŵakalata wo wanguŵatumiya.

2 ŴaKaronga 6:32

Elisha wenga munyumba yake, ndipo ŵaraŵara ŵanguja pamoza nayo. Sono karonga wangutuma munthu kutuwa pa maso pake, kweni muthenga yuwa wenga wandafike Elisha wanguti ku ŵaraŵara, “Mwawona, mo uyu mubayaŵanthu wanditumiya munthu kuti wazidumuwe mutu wangu? Ehe, asani muthenga uyu waza mujare chisasa, ndi muchikhozge ukongwa chimutonde kujura. Kumbi mdinu wakuchapuka kwa mbuyake kuti wekuvuli kwake cha?”

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Yesaya 59:14

Cheruzgu chirunji chawere vuli, ndipo ukongorekwa utuma kutali kuwa, pakuti uneneska wawa mu maluluwa ghanandi, ndipo urunji kuti ungasere cha.