1 ŴaKaronga 20:12 - Tonga Bible 1986

¹² Penipo Benehadadi wanguvwa mazu yagha po wamwanga pamoza ndi mafumu mu msasa, wanguti ku ŵanthu ŵake, “Jirongosoni.” Ndipo ŵangujirongoso kumikana ndi msumba.

1 ŴaKaronga 20:12 Referans Kwoze

1 ŴaKaronga 16:9

Kweni mteŵeti wake Zimri, wakulamula chigaŵa chimoza cha vigaŵa viŵi cha magareta ghake, wangumufinga. Penipo wenga pa Tirza, wamwanga wanguloŵe mu nyumba yaku Azra, mweniyo wenga wakutuliya ŵamu nyumba mu Tirza,

1 ŴaKaronga 20:16

Ndipo wangutuwa ndi msana pakati, panyengo yo Benehadadi wamwanga ndi kuloŵe mu misasa, iyo pamoza ndi mafumu machumi ghatatu ndi ŵaŵi (32) wo ŵamovyanga.

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Danyele 5:30

Mu usiku weniuwa Beleshazara karonga wa ŵaKaldiya wangubayika,

Danyele 5:2

Beleshazara wanguti walaŵa vinyo, wangulangula kuti ŵazi navyo viyaŵi vya golide ndi siliva vyo vingutoreka ndi wiske Nebukadanezara mu nyumba yaku Chiuta mu Yerusalemu, mwakuti karonga, mafumu ghake, ŵawoli ŵake, ndi mabwezi ghake ghanthukazi ŵamwiyemo.

Yeremiya 43:10

ndipo ukanene kwaku wo, ‘Viyo atiti Ambuya ŵa maŵanja, Chiuta waku Yisraele: Ehe, ndikatumanga ndi kuto Nebukadanezara karonga wa Babiloni, mteŵeti wangu, ndipo wazamumika chitengo chake pachanya pa mya iyi yeniyo ndabisa, ndipo wazamtandika saru yake ya ukaronga pachanya pake.

2 Samuele 13:28

Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”

1 Samuele 25:36

Abigaili wanguti kuvuli; wangusaniya kuti Nabala we pa dghera mu nyumba yake, nge ndi dghera la karonga. Ndipo mtima waku Nabala unguŵa mu likondwa likuru, pakuti wanguloŵe ukongwa; ndipo kuti wangumuneniyapo kanthu cha mpaka ku mlenji lumwi latuwa.