1 ŴaKaronga 20:10 - Tonga Bible 1986

¹⁰ Benehadadi wangutuma so mazu kwaku iyo wanguti, “Wachiuta ŵandichitiye ichi, ndi kusazgiyapo so, asani fuvu laku Samaria likakwananga kuzaza manja gha ŵanthu wose wo ŵatindirondo.”

1 ŴaKaronga 20:10 Referans Kwoze

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

Chituwa 11:8

Ndipo ŵaŵanda ŵinu wose yaŵa ŵakasikiyanga kwangu, ndi kuŵeramiya ine, ndi kuti, ‘Tuwanimo, ndi ŵanthu wose wo ŵatikurondo’. Ndipo pavuli pake ine ndikatuwanga.” Ndipo wangutuwako kwaku Farao ndi mtima wakufya.

Machitidu gha Ŵakutumika 23:12

Ndipo kwati kwaŵa msana, ŵaYuda wo ŵangumotoka, ndipo ŵangujirapiya ndi tembu, ndi kukamba kuti ŵangargha chingana nkhumwa cha mpaka ŵambaya Paulo.

Ŵeruzgi 4:10

Ndipo Baraki wangudana Zebuluni ndi Naftali kuza ku Kedeshi, ŵanthu vikwi chumi (10,000) ŵangukweriyako pasi pa urongozgi wake, Debora nayo wangukweriyako.

1 Samuele 17:43

MuFilisti uyu wanguti kwaku Davidi, “Kumbi ndi garu ine, kuti utindiziya ndi zinthonga?” Goliati wangutemba Davidi ndi ŵachiuta ŵake.

1 ŴaKaronga 20:9

Viyo wangunena ndi mathenga ghaku Benehadadi, “Kamukambiyeni mbuyangu karonga, ‘Vyose vyo mungulanguliya ndamteŵeti winu pakudanga ndi kachitanga, kweni chinthu ichi pe kuti ndikachichitanga cha.’ ” Sono mathenga ghanguruta ghangumupingiya so mazu.

2 ŴaKaronga 6:31

ndipo iyo wanguti, “Mphanyi Chiuta wandichitiya viyo ine, ndi kuruskako so, asani mutu waku Elisha mwana waku Shafati ukajariliyanga pa mapheŵa ghake msana wale.”

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Yeremiya 46:17

Danani zina laku Farao karonga wa Egipiti, ‘Wachiwawa mweniyo wazomerezga nyengo kudumuwapo.’

1 ŴaKaronga 2:23

Sono karonga Solomoni wangurapiya pa Ambuya, wanguti, “Chiuta wachiti viyo kwaku ine ndi wakuskiyepo so asani mazu yagha kuti ghagulenge umoyo waku Adoniya cha!

2 ŴaKaronga 18:24

Na ungayidikiska uli nduna yimoza mukati mu ŵateŵeti ŵamanavi ŵa mbuyangu, asani uyegeme paku Egipiti kukupaska magareta ndi ŵakukwera pa ŵakavalo?