1 ŴaKaronga 2:9 - Tonga Bible 1986

⁹ Viyo ungamulereskanga nge ngwambura kalema cha, pakuti ndiwe munthu wazeru; ukaziŵanga nchine ungwenere kuchita nayo, ndipo ukasiskiyanga nyivu zake ku muunde ndi ndopa.”

1 ŴaKaronga 2:9 Referans Kwoze

1 ŴaKaronga 2:6

Viyo uchite kwakuyana ndi chinjeru chako, kweni ungazomerezganga nyivu zake kusikiya ku muunda mu chimangu cha.

Chiyambo 44:31

wachiwona kuti mhurwa yo kuti we nafwe pamoza cha wamukufwa; ndipo ŵateŵeti ŵinu ŵamutole sisi la nyivu la mteŵeti winu uskefwe ndi chitima ku muunda.

Chiyambo 42:38

Kweni iyo wanguti, “Mwana wangu kuti mukarutanga nayo cha, pakuti muku wake wakufwa, ndipo wakujapo iyo pe. Asani urwani unga muwiya pa ulendo weniwo mukaŵanga nawo, mukatoliyanga sisi langu lanyivu ku muunda ndi chitima.”

Jobu 9:28

nditopa kukomwa kwangu kose, chifukwa ndiziŵa kuti imwe kuti mundipimenge wambura kafukwa cha.

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Chituwa 22:27

pakuti nchenicho pe chakuvwinkha chake, nchivwalo cha liŵavu lake na wakavwinkhanganji wachigona? Ndipo asani wakaliriyanga kwaku ine, ndikavwanga, pakuti nde wachitima.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”