1 ŴaKaronga 2:5 - Tonga Bible 1986

⁵ “Ndipo so uziŵa chenicho Yoabu mwana waku Zeruya wanguchita kwangu, ndi mo wanguchitiya ndi ŵara ŵaŵi wakulamula maŵanja ghankhondo gha ŵaYisraele, Abnere mwana waku Neri, ndi Amasa mwana waku Jeteri, ŵeniwo ŵangubaya, kutaya theyu mu nyengo ya chimangu ndopa zo zingudika mu nkhondo, ndipo kuŵika ndopa zambura kalema pa lamba lamu chiunu changu, ndi pa viyato vya marundi ghangu.

1 ŴaKaronga 2:5 Referans Kwoze

2 Samuele 3:27

Po Abnere wanguti wawere ku Hebroni, Yoabu wangumtore ku mphepete mukati mwa likomo kurongoro nayo, pa ubende, penipa wangumugwaza pa moyo, ndipo wangufwa, pa chifukwa cha ndopa zaku Asahele mbali wake.

2 Samuele 20:10

Kweni Amasa kuti wanguliwona cha lipanga mu janja laku Yoabu; viyo Yoabu wangumungwaza nalo mu liŵavu, matumbu ghake ghangukhutukiya pasi, ndipo kwambura kumugwaza so kachiŵi, wangufwa. Yoabu ndi Abishai mbali wake ŵangurondo Sheba mwana waku Bikri.

2 Samuele 18:12

Kweni munthu yuwa wangunena ndi Yoabu, “Nanga ndatinge ndirondenge mashekelo gha siliva gha mweso wa uzitu chikwi mu janja langu, kuti ndatinge ndisoskenge janja langu pa mwana wa karonga cha; chifukwa tingujivwiya ndi makutu ghidu langulu la karonga paku imwe ndi, Abishai ndi Itai, kuti, ‘Mujikanizge ku mhurwa yo Absalomu.’

2 Samuele 18:5

Karonga wangulanguliya Yoabu, Abishai ndi Itai wakuti, “Mu chifukwa changu pe mukamuchitiye umampha mhurwa yuwa Absalomu.” Ndipo khamu lose lingujivwiya wachipereka langulu karonga ku zinduna za maliŵanja paku Absalomu.

2 Samuele 18:14

Yoabu wanguti, “Kuti ndi tayenge nyengo nge ndi iyi ndi iwe cha.” Ndipo wanguto tumikondo tutatu, wangugwaza nato Absalomu, po wenga weche wamoyo mu chimuti cha nthunthu.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 2:34

Ndipo so pa viketi vinu pasanirika ndopa za ŵanthu ŵakavu ndi ŵakuchita umampha; mulivi kuŵasaniya ŵachiswa nyumba. Kweni ivi vyose vichiŵa viyo,

1 ŴaKaronga 2:32

Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

1 ŴaKaronga 1:7

Wangukambirana ndi Yoabu mwana waku Zeruya ndi Abiatara mzukuru; ndipo ŵangurondo Adoniya ndi ŵangumovya.

2 Samuele 17:25

Sono Absalomu wanguŵika Amasa kuŵa chirongozgi wa nkhondo mu malo mwaku Yoabu. Amasa wenga mwana wa munthu zina lake Itra muIshimaele, yo wanguto Abigaili mwana munthukazi waku Nahasha, mzichi waku Zeruya anyina aku Yoabu.

2 Samuele 2:18

Ŵana ŵatatu ŵaku Zeruya ŵenga penipa, Yozbu, Abishai ndi Asahele. Kweni Asahele wenga mpusu kuchimbiya nge ndi mphoyo ya mu dondo.

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

2 Samuele 2:13

Ndipo Yozbu mwana waku Zeruya ndi ŵateŵeti ŵaku Davidi, ŵangutuwa, ŵangukumana nawo pa chiziŵi cha Gibeoni; ŵanguja pasi, ŵanyake kusirgha limoza la chiziŵi, ŵanyake kusirgha linyake.

Marangu 27:24

“ ‘Watembeke yo wabaya muzengezgani wake ku ubende.’ Ndipo ŵanthu wose ŵanenenge, ‘Ameni.’