1 ŴaKaronga 19:8 - Tonga Bible 1986

⁸ Ndipo wanguyuka wangurgha ndi kumwa, ndipo wanguruta mu nthazi ya kurgha kuwa mazuŵa machumi ghanayi msana ndi usiku ku Horebu, phiri laku Chiuta.

1 ŴaKaronga 19:8 Referans Kwoze

Chituwa 34:28

Ndipo wenga wakuja pamoza ndi Ambuya mazuŵa machumi ghanayi (40) ndi mausiku machumi ghanayi (40), kuti wangurgha nanga ndi chiŵandi chingana nkhumwa maji cha. Ndipo wangulemba pa magome mazu gha phanganu, marangu gho chumi.

Mateyu 4:2

Ndipo wati wafunga mazuŵa machumi ghanayi ndi mausiku machumi ghanayi, pavuli wanguvwa nja.

Marangu 9:18

Ndipo ndinguwa pasi pa nthazi pa Ambuya nge mphakudanga, mazuŵa machumi ghanayi chingana nkhumwa maji, chifukwa cha kwananga kwenu, pakuchita uheni pa maso pa Ambuya, kuŵakwiyiska.

Chituwa 24:18

Ndipo Mosese wangusere mu mtambo ndi wangukwere pa phiri. Ndipo Mosese wenga pa phiri mazuŵa machumi ghanayi (40) ndi mausiku machumi ghanayi (40).

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

2 ŴaKorinte 12:9

Ndipo andinene, “Ngwakukwana wezi wangu: chifukwa nthazi yangu yifiskikiya mu unthomboro.” Viyo nkhajikuzgiyanga kwakukondwa mbwenu mu maunthomboru ghangu, alinga kut nthazi yaku Kristu yigoŵiyenge paku ine.

Luka 4:2

mazuŵa machumi ghanayi (40) wakweseka ndi Diabolo. Ndipo kuti wangurgha kanthu cha mu mazuŵa ghenigha; ndipo ghachimara gho, wangufwa ndi nja.

Marko 1:13

Wengamo mu bozwa lo mazuŵa machumi ghanayi, wakweseka ndi Satana; ndipo wenga pamoza ndi vikoku; ndipo ŵangelo ŵamumiriyanga.

Danyele 1:15

Pa umari wa mazuŵa chumi limoza (10), kungusanirika kuti kawonekedu ka visku vyawo kenga kamampha ndi ŵakututuŵa liŵavu kuruska ŵanyamata ŵanyawo wose wo ŵangurgha kurgha kwa karonga.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Chituwa 4:27

Ambuya anguti kwaku Aroni, “Ruta ku bozwa kwachikumana ndi Mosese.” Viyo wanguruta, ndipo ŵangukumana pa phiri laku Chiuta ndi wangumufyofyontha.

1 ŴaKaronga 19:7

Ndipo mungelo wa Ambuya wanguza so kachiŵi, wangumukwaska wanguti, “Yuka ndi urghe, vinu ulendo ukakuŵiyanga uzitu.”

1 ŴaKaronga 17:6

Ndipo ŵachahole ŵamziyanga ndi viŵande ndi nyama kumlenji, ndi kumazulo; ndipo wamwanga mu kamsinji.