1 ŴaKaronga 19:13 - Tonga Bible 1986

¹³ Ndipo Eliya wanguguhavwa, wangubenekere chisku chake mu chirundu chake, wangutuwa ndi wanguma pa khomo la mphanji. Ndipo ehe, kunguza mazu kwaku iyo; ghakuti, “Uchitanji pano Eliya?”

1 ŴaKaronga 19:13 Referans Kwoze

1 ŴaKaronga 19:9

Ndipo wanguza mu mphanji, ndi wangugona mwenimuwa; ndipo ehe, mazu gha Ambuya ghanguza kwaku iyo, ghakuti, “Uchitanji kuno, Eliya?”

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Yesaya 6:2

Pachanya paku iwo panguma ŵaserafi, yumoza ndi yumoza wenga ndi mapapa ghankhonde ndi limoza, ndi mapapa ghaŵi wanguvimba chisku chake, ndi ghaŵi wanguvimba marundi ghake, ndipo ndi ghaŵi wanguphururuka.

1 ŴaKaronga 18:42

Viyo Ahabu wangukwera kwachirgha ndi kumwa. Ndipo Eliya wangukwera pachanya pa Karmele; ndipo wangukotamiya pasi ndi wanguŵika chisku chake pakati pa makongono ghake.

Chituwa 33:23

pavuli ndikatuzgangako janja langu, ndipo ukawonanga musana wangu; kweni chisku changu kuti chikawonekanga cha.”

Chiyambo 16:8

Ndipo iyo wanguti, “Hagara, muŵanda munthukazi waku Sarai, watuwa pani, ndipo utiya pani?” Iyo wanguti, “Ndithaŵa ku mbuyangu Sarai.”

ŴaHebere 11:37

Wangupong'eka mya ŵanguchekeka, ŵangweseka, ŵangubayika ndi lipanga: ŵanguwurawura ŵakuvwara vikopa vya mberere ndi vikopa vya mbuzi: ŵakavu, ŵakusuzgika, ŵakuchitika uheni,

2 ŴaKaronga 2:8

Sono Eliya wanguto chivwaro chake, wanguchizinga wangupuma maji, ndipo maji ghangupatukana kuma kuchiri kumoza ndi kuchiri kunyake mpaka penipo ŵaŵiviyo ŵangwenda pasi pa yumu.

Yona 4:5

Viyo wangutuwa mu msumba wanguja pasi ku chigaŵa chakuvuma kwa msumba, ndi wangujizenge kwenikuwa musasa. Wanguja pasi mukati mwake mu muduzi, mpaka wawone cho chingaŵako ku msumba.