Biblia Todo Logo
Bib sou entènèt

- Piblisite -




1 ŴaKaronga 19:11 - Tonga Bible 1986

11 Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

Gade chapit la Kopi




1 ŴaKaronga 19:11
31 Referans Kwoze  

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.


Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.


Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.


Viyo Ambuya angwamuka Jobu mu kanthenga anguti:


Liu laku mweniyo lingusukung'a charu kali, kweni sono wapangana, kuti, “Kamoza so ine nkhasukuniskanga charu pe cha, kweni kuchanya nako.”


Viyo kwakulingana ndimo ndingulangulikiya ndinguchima, ndipo po ndachimanga, kunguŵa chiwawa, avwani, mphokotophokotu, viwanga vinguza pamoza, chiwanga kulunga ku chiwanga.


charu chapasi chinguyaghayika, ndipo mtambo ungung'iska vuwa, chifukwa chakuza kwaku Chiuta waku Sinai, kuza kwaku Chiuta waku Yisraele.


Uŵe wakulongosoleka ndi mlenji, ndipo ukwere kuno ku phiri Sinai, ndipo ujirongo wamweni kwenikuwa kwaku ine pachanya pa phiri lo.


Ndipo Ambuya angusikiya pa phiri Sinai, pachanya pa phiri lo; ndipo Ambuya angudaniya Mosese pachanya pa phiri lo, ndipo Mosese wangukwere kweniko.


Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.


Ndipo kunguŵapo malimphezi ndi kamphomezi, ndi vidiririzi; ndipo chinguŵapo chiyeuyeu chenichikuru, chakuti chengavi kuŵapo chiyeuyeu chikuru chaviyo kutuwa ku nyengo yo ŵanthu ŵanguŵiyapo pa charu chapasi.


Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.


Ndipo Mosese wangusere mu mtambo ndi wangukwere pa phiri. Ndipo Mosese wenga pa phiri mazuŵa machumi ghanayi (40) ndi mausiku machumi ghanayi (40).


Ambuya anguti kwaku Mosese, “Kwere kuno kwangu pa phiri ndipo ukarindizge penipa, ndipo ndikakupaskanga magome gha mwa ndi dangu ndi langulu vyo ndakurembe kuŵarunguchizga.”


Ndipo onani, kunguŵapo chiyeuyeu chikuru; chifukwa mungelo wa Ambuya wangusika kuchanya, ndipo wanguza ndi wangugadabuwa mwa wo, ndipo wanguja ndeku pachanya pake.


Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.


Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.


Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,


Sono penipo ŵanthu wose ŵanguteska vidiririzi ndi malimphezi gho, ndi kumba kwa mbata ndi kusunkha usi kwa phiri lo, ŵangopa ndi ŵangutenthema; ndi ŵanguma kutali,


Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo;


Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.


Ndipo ŵangukoreka ndi mantha ghakuru, ŵamu ugoŵi, ŵamu dondo, ndipo ndi ŵanthu wose ŵamu linga, ndipo chingana mbakupopeska ŵangutenthema, charu chinguyaghayika; chitenthe chinguŵa chikuru ukongwa.


Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.


Mungung'iska vuwa yinandi, ndi kuwerezgamo charu chinu cho chinguvuka;


Swiv nou:

Piblisite


Piblisite