1 ŴaKaronga 18:12 - Tonga Bible 1986

¹² Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

1 ŴaKaronga 18:12 Referans Kwoze

Machitidu gha Ŵakutumika 8:39

Kweni penipo ŵangukwera kutuwamo mu maji gho, Mzimu wa Mbuya wangumkwamphuwa Filipu; ndipo wamthenu yo wengavi kumwona so cha, kweni iyo warutanga nthowa yake wakukondwere.

2 ŴaKaronga 2:16

Ndi ŵanguti kwaku iyo, “Ehe, sono ŵalipo pamoza ndi ŵateŵeti ŵako ŵanthurumi ŵakulimba machumi ghankhonde, tipempha, ŵatumeni ŵarute kwachipenja mbuyako kokuli Mzimu wa Ambuya wamufyeka kwachimupong'a pa phiri pamwenga mu dambo le lose.” Ndipo iyo wanguti, “Mungaŵatumanga cha.”

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

Ezekiele 37:1

Janja la Ambuya linguŵa paku ine, ndipo angundituzgiya kubwaro mu Mzimu wa ambuya, ndi kundijarika pasi mukati mu dambo, linguzaza ndi viwanga.

Ezekiele 11:24

Mzimu ungundisoska unguditore mu chiwona ndi Mzimu waku Chiuta ku Kaldiya, ku ŵamikoli. Ndipo chiwona cho ndinguwona chingukwera kutuwako kwangu.

2 ŴaKaronga 2:11

Ndipo wachirutiriya ndi kurongoro, ehe, gareta la moto ndi ŵakavalo ŵa moto vinu ŵapatuwa yaŵa ŵaŵi ndipo Eliya wangurata kuchanya ndi kavuruvuru.

Machitidu gha Ŵakutumika 12:19

Ndipo penipo Herode wangumlembe kwambura kumsaniya, wanguŵafumbiriya ŵaronda, ndipo wangulangula kuti ŵabayike. Sono pakutuwa ku Yuda ndi kusikiya ku Kaisarea, watandaranga kweniko.

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Mateyu 4:1

Sono Yesu wangukwezgeke ku bozwa ndi Mzimu, kwacheseka ndi diabolo.

Wakutaula 7:18

Nkhwamampha kuti uchikoreske ichi, ndipo ureke kutuzgapo janja lako paku cho; chifukwa yo watopa Chiuta wakatuwangmo mwaku vyo vyose.

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

1 Samuele 2:26

Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.

1 Samuele 2:18

Samuele wateŵetanga paurongo pa Ambuya, mhurwa wakuvwala efodo wa bafuta.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

1 ŴaKaronga 18:11

Sono imwe mutiti, ‘Ruta, kamunene mbuyako, “Ehe, Eliya wepano.” ’

1 Samuele 16:2

Samuele wangwamuka, “Ndirutenge uli? Asani Sauli wavwa ichi, wandibayenge.” Ambuya anguti, “Uto thole la ng'ombe, ndipo wamukuti, ‘Ndaziya kwazipereka sembe ku Ambuya.’

Sumu 71:5

Ambuya, chigomezgu changu ndiŵika mwinu; ndathamiya mwaku imwe kutuliya ku wana-mana wangu.