1 ŴaKaronga 18:10 - Tonga Bible 1986

¹⁰ Po aliri amoyo Ambuya Chiuta winu, kulivi mtundu pamwenga ufumu kweniko mbuyangu walivi kutumako kwachipenja imwe, ndipo asani ŵangakamba, kuti, ‘We kuno cha,’ wachitiskenge rapu ufumu wo pamwenga mtundu wo kuti ŵalivi kumusaniyani.

1 ŴaKaronga 18:10 Referans Kwoze

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Yeremiya 36:26

Ndipo karonga wangulanguliya Yeramelu mwana wakaronga, ndi Seraya mwana waku Azariele ndi Shelemiya mwana waku Abdeli kwachiŵako Baruki mlembi ndi Yeremiya mchimi yo, kweni Ambuya anguŵabisa.

Sumu 91:1

Yose wakuja mu chakubisamamo cha Wapachanya Limu, wakujaririya mumduzi wa Wanthazi Zose,

Sumu 31:20

Mwaŵabisa mu chakubisamamo cha uŵapo winu, ku viŵembu vyaŵanthu; mwaŵakoreze umamphavi kusi ku chivwinkhu chinu, ku kukweŵeskana kwa malilime.

Sumu 10:2

Mukujikuzga kwawo ŵaheni ŵasuzga ŵakavu; ŵakoreke mu vyakwata vyo ŵaghanaghana.

1 ŴaKaronga 18:15

Ndipo Eliya wanguti, “Mo aliri amoyo Ambuya ŵamaŵanja, ŵeniwo ndituma paurongo pawo, kwakuneneska ndikajirongonga kwaku iyo msana wale.”

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

1 ŴaKaronga 17:9

“Soka, ruta ku Zarefata, yo ngwaku Sidoni ukajenge kwenikuwa. Ehe, Ndalanguliya choko kwenikuwa kukuhiŵa.”

1 ŴaKaronga 17:5

Viyo wanguruta wanguchita kwakuyana ndi mazu gha Ambuya; wanguruta ndi wajanga pafupi pa kamsinji Keriti ko ke kuvuma kwa Yordane.

1 ŴaKaronga 2:24

Viyo achiŵa amoyo Ambuya, wo ŵanditumphuska, ndipo ŵandijarika pa chitengo chaku Davidi ada, ndipo ŵandichitiya nyumba nge ndimo angupanganiyana Adoniya wakabayikanga msana wale.”

1 ŴaKaronga 1:29

Ndipo karonga wangurapa, wanguti, “Mo ajaliya amoyo Ambuya, ŵeniwo awombo mzimu wangu ku masuzgu ghose,

1 Samuele 29:6

Penipo Akishi wangudana Davidi wangunena nayo, “Ambuya amoyo iwe waŵa muneneska, kwaku ine kunguŵa umampha kuti uskomenge kusere ndi kutuwa pamoza nane mu nkhondo; chifukwa kuti ndasaniyako kaheni cha kwaku iwe kutuliya pa zuŵa liya ukuziya mpaka sono. Kweni ndipuuli zinduna kuti zakwanja cha.

1 ŴaKaronga 18:9

Ndipo Obadiya wanguti, “Ndalakwanji, po mukhumba kupaska muŵanda winu mu janja laku Ahabu, kuti wandibaye.

1 ŴaKaronga 18:11

Sono imwe mutiti, ‘Ruta, kamunene mbuyako, “Ehe, Eliya wepano.” ’

1 ŴaKaronga 22:14

Kweni Mikaya wanguti, “Po ajaliya amoyo Ambuya, chenicho Ambuya atindinene, ndicho ndikakambanga.”

Yeremiya 36:19

Sono ŵaraŵara ŵanguti kwaku Baruki, “Rutanga mukabisami, iwe ndi Yeremiya, ndipo mungaziŵiskangapo nanga njumoza cha kweniko muli.”

1 Samuele 23:23

Chifukwa ichi wonani, ndipo muziŵiske malo ghose gho wagwenthiyako ndi kubisamamo, mukawere so kunu ndi makani ghauneneska ndipo asani wemu charu cho ndazamupenja mukati mu vikwi vyose vyaku Yuda.”