1 ŴaKaronga 18:1 - Tonga Bible 1986

¹ Pavuli pa mazuŵa ghanandi, mazu gha Ambuya ghanguza kwaku Eliya, mu chirimika cha chitatu, ghakuti, “Ruta, ukajirongo kwaku Ahabu, chifukwa ndikatumanga vuwa pa charu chapasi.”

1 ŴaKaronga 18:1 Referans Kwoze

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Yakobe 5:17

Eliya wenga munthu wakusankhwa ngendifwe, ndipo wanguromba rombo lakuti kureke kung'apovuwa; ndipo kuti kungung'apo vuwa pa charu cha virimika vitatu ndi myezi yinkhonde ndi umoza.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Marangu 28:12

Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.

1 ŴaKaronga 18:2

Viyo Eliya wanguruta kwachijirongo kwaku Ahabu. Pa nyengo iyi chilala chenga chikuru mu Samaria.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

ŴaLevi 26:4

ndikakupaskaninga vuwa mu nyengo zake, ndipo charu chikapasanga vipasi vyake.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.

Amosi 4:7

“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 10:13

Ŵachituzga mazu ghake maji ghachita chiwawa kuchanya, ndipo wakwezga nyankhuŵinda ku vigoti vya charu chapasi. Malimphezi ghachiska vuwa, ndipo watuzga mphepo mu mbiku zake.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

1 ŴaKaronga 17:15

Ndipo chinguruta ndi chinguchita mo Eliya wangukambiya, ndipo icho ndi iyo ndi ŵamu nyumba yake ŵangurgha kwa mazuŵa ghanandi.

1 ŴaKaronga 17:7

Ndipo pavuli pa kanyengo kamsinji kangukamuka, pakuti ku charu kwengavi vuwa.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

1 ŴaKaronga 8:36

vwani imwe kuchanya ko, ndipo gowokiyani kulakwa kwa ŵaŵanda ŵinu, khamu linu Yisraele, po mutuŵasambizga nthowa yamampha yo ŵatenere kwendamo, perekani vuwa pa charu chinu, chenicho mukupaska khamu linu kuŵa chihara.