1 ŴaKaronga 16:21 - Tonga Bible 1986

²¹ Sono ŵaYisraele ŵangugaŵikana vigaŵa viŵi, chigaŵa chimoza chingurondo Tibini mwana waku Ginati, kumumika kuŵa karonga, chigaŵa chinyake chingurondo Omri.

1 ŴaKaronga 16:21 Referans Kwoze

Mateyu 12:25

Kweni Yesu, pakuziŵa marunguruku ghawo, wanguti kwaku wo, “Ufumu wose wakugaŵikana paku wija upopeskeka; ndipo muzi wose pamwenga nyumba yakugaŵikana paku yija, kuti yingama cha,

Yesaya 19:2

Ndikakhuwizganga ŵaEgipiti pa ŵaEgipiti, ndipo ŵakabayananga, mwana ndi mwana munyake munthu yose ndimzengezgani wake, muzi pa muzi unyake, ufumu pa ufumu unyake;

Nthanthi 28:2

Asani charu chituswa dangu chendi ŵeruzgi ŵanandi; kweni ndi ŵanthu ŵakuwamo ndi ŵachinjeru ukhovu wake ukakiyangakiyanga nyengo yitali.

1 ŴaKaronga 16:29

Mu chirimika cha machumi ghatatu pachanya ghankhonde ndi vitatu (38) chaku Asa karonga waku Yuda, Ahabu mwana waku Omri wangwamba kuwusa paku Yisraele, wanguwusa paku Yisraele mu Samaria virimika machumi ghaŵi pachanya viŵi (22).

1 ŴaKaronga 16:8

Mu chirimika cha machumi ghaŵi pachanya nkhonde ndi chimoza (26) chaku Asa karonga waku Yuda, Ela mwana waku Basha wangwamba kuwusa paku Yisraele mu Tirza, ndipo wanguwusa virimika viŵi.

1 ŴaKaronga 15:28

Viyo Basha wangubaya Nadabu mu chirimika cha chitatu chaku Asa karonga waku Yuda, ndipo wanguwusa mu malo ghake.

1 ŴaKaronga 15:25

Nadabu mwana waku Yeroboamu wangwamba kuwusa paku Yisraele mu chirimika cha chiŵi chaku Asa karonga waku Yuda, ndipo wanguwusa virimika viŵi.

1 ŴaKaronga 16:20

Sono nchitu zose zaku Zimri, ndi chiwembu cho wanguchita kumbi kuti vikulembeka cha mu Buku la Mikoka la ŵaKaronga ŵaku Yisraele?

1 ŴaKaronga 16:22

Kweni ŵanthu wo ŵangurondo Omri ŵanguthereska ŵanthu wo ŵangurondo Tibini mwana waku Ginati; viyo Tibini wangufwa, ndipo Omri wanguŵa karonga.