1 ŴaKaronga 16:10 - Tonga Bible 1986

¹⁰ Zimri wangusere mukati wangumupuma ndi kumubaya mu chirimika cha machumi ghaŵi pachanya nkhonde ndi viŵi (27) chaku Asa karonga waku Yuda, ndipo wanguwusa mu malo ghake.

1 ŴaKaronga 16:10 Referans Kwoze

2 ŴaKaronga 9:31

Sono Yehu wachisere palikomo, iyo wanguti, “Kumbi nchimangu, iwe Zimri, mubaya mbuyako?”

1 ŴaKaronga 16:9

Kweni mteŵeti wake Zimri, wakulamula chigaŵa chimoza cha vigaŵa viŵi cha magareta ghake, wangumufinga. Penipo wenga pa Tirza, wamwanga wanguloŵe mu nyumba yaku Azra, mweniyo wenga wakutuliya ŵamu nyumba mu Tirza,

1 ŴaKaronga 16:11

Penipo wangwamba kuwusa, po wanguti waka jepo pa chitengo, wangubaya ŵanyumba yose yaku Basha; wengavi kumusiyapo nanga njumoza wa ŵabali ŵake pamwenga mabwezi ghake.

1 ŴaKaronga 15:27

Basha mwana waku Ahija, wa nyumba yaku Isakara, wangumufinga; ndipo Basha wangumukosole pasi pa Gibetoni, yo wenga wa ŵaFilisti, pakuti Nadabu ndi Yisraele yose ŵanguzinga Gibetoni.

1 ŴaKaronga 16:15

Mu chirimika cha machumi ghaŵi pa chanya nkhonde ndi viŵi (27) chaku Asa karonga waku Yuda, Zimri wanguwusa mazuŵa ghankhonde ndi ghaŵi mu Tirza. Panyengo iyi maŵanja gha nkhondo ghenga ku Gibetoni, yo wenga wa ŵaFilisti,

2 ŴaKaronga 15:10

Shalumu mwana waku Yabeshi wangumuyukiya, wangumukosole pasi pa Ibleamu, ndi wangumubaya, ndipo wanguwusa mu malo ghake.