1 ŴaKaronga 15:4 - Tonga Bible 1986

⁴ Ndipuuli chifukwa chaku Davidi Ambuya Chiuta wake wangumupaska nyali mu Yerusalemu, kumika mwana wake pavuli pake, ndi kukuzga Yerusalemu,

1 ŴaKaronga 15:4 Referans Kwoze

1 ŴaKaronga 11:36

Kweni ku mwana wake ndikapaskanga fuku limoza alinga kuti Davidi muŵanda wangu waŵe ndi limbuni paurongo pangu mu Yerusalemu, msumba wo ndikusankha kuŵikamo zina langu.

2 Mikoka 21:7

Chingana kwenga viyo, Chiuta wengavi kukhumba kupankhuwa nyumba yaku Davidi chifukwa cha chipanganu cho wangupangana ndi Davidi, ndipo chifukwa wangupangana kuti wampaskenge limbuni ndi ku ŵana ŵake muyaya.

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Sumu 132:17

Penipo nkhapaskanga nthazi ku mphapu yaku, ndamulongosole nyali wakupakika wangu.

Sumu 18:28

Inya, imwe mukozga nyali yangu; Ambuya Chiuta wangu wangweruska mdima wangu.

1 ŴaKaronga 11:32

(kweni iyo wakaŵanga ndi fuku limoza, chifukwa chaku Davidi ndi chifukwa cha Yerusalemu, msumba weniwo ndikusankha mu mafuku ghose ghaku Yisraele),

1 ŴaKaronga 11:12

Kweni chifukwa chaku Davidi ausu kuti ndi kachichitanga mu mazuŵa ghako cha, kweni ndikawuparuwanga kutuwa mu janja la mwana wako.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”

ŴaRoma 11:28

Kuchiri ku evangeli, mbamawongu chifukwa chaku imwe. Kweni kuchiri ku sankhu lo, mbakwanjiwa chifukwa cha ŵauskeu.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

Yeremiya 33:2

“Viyo atiti Ambuya ŵeniwo angulenga charu chapasi, ndi kuchisunga, Ambuya ndi zina lawo:

Yesaya 62:7

ndipo mungamupaskanga kupumuwa cha mpaka penipo wazenga Yerusalemu ndi kumuchita rumbu mu charu chapasi.

Yesaya 14:32

Kumbi munthu waghamukenge uli mathenga gha mtundu? “Ambuya ndiwo akuzenga Zioni, ndipo mwaku wo ŵakusuzgika ŵa ŵanthu ŵasaniya pakubisama.”

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Sumu 87:5

Ghaku Zioni ŵakatinge, mitundu yose nja mwenimuwa, ndipo ŵapachanya Limu ndiyo wakaukhozganga.

2 Samuele 21:17

Kweni Abishai mwana waku Zeruya wangumovya, wangukoso mufilisti ndi kumubaya. Penipo ŵanthu ŵaku Davidi ŵangumurapiya, “Kuti utuliyenge so pamoza nafwe ku nkhondo cha, vinu ungazimwa lumbuni laku Yisraele.”

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

Chiyambo 26:5

Chifukwa Abrahamu wanguvwiya mazu ghangu ndipo wangusunga maphweredu ghangu, malamulu ghangu, vyeruzgu vyangu, ndi marangu ghangu.”

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.