1 ŴaKaronga 14:21 - Tonga Bible 1986

²¹ Sono Rehoboamu mwana waku Solomoni wanguwusa mwaku Yuda. Rehoboamu wenga wavirimika machumi ghanayi ndi chimoza (41) wachamba kuwusa, ndipo wanguwusa virimika chumi pachanya vinkhonde ndi viŵi (17) mu Yerusalemu, msumba wo Ambuya angusankha mukati mwa mitundu yose yaku Yisraele, kuŵika zina lawo mwenimuwa. Zina la anyina lenga Nama mwina Amoni.

1 ŴaKaronga 14:21 Referans Kwoze

2 Mikoka 12:13

Viyo karonga wangujikhomeska mu Yerusalemu ndi wanguwusa. Rehoboamu wenga ndi virimika machumi ghanayi pachanya chimoza wandaŵe karonga, ndipo wanguwusa virimika chumi ndi vinkhonde pachanya viŵi mu Yerusalemu, muzi weniwo Chiuta wangutondo mu mitundu yose yaku Yisraele kuŵikamo zina lake. Zina la ŵanyina lenga Nama mu Amoni.

1 ŴaKaronga 11:36

Kweni ku mwana wake ndikapaskanga fuku limoza alinga kuti Davidi muŵanda wangu waŵe ndi limbuni paurongo pangu mu Yerusalemu, msumba wo ndikusankha kuŵikamo zina langu.

1 ŴaKaronga 14:31

Ndipo Rehoboamu wangugona pamoza ndi awiske, wanguŵikika pamoza ndi awiske mu msumba waku Davidi. Zina la anyina lenga Nama wa ŵa Amoni. Ndipo Abiyamu mwana wake wanguwusa mu malo ghake.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

2 Mikoka 13:7

ndipo ŵanthu ŵanyake ŵaŵakaŵaka ŵawungana kwaku iyo ndi kujikwimiska kumikana ndi Rehoboamu mwana waku Solomoni, penipo Rehoboamu weche mwana wa mtima uteta wambura nthazi kulimbana nawo kuti wajitaski.

1 ŴaKaronga 11:43

Ndipo Solomoni wangugona pamoza ndi awiske, wanguŵikika mu msumba waku Davidi awiske; ndipo Rehoboamu mwana wake wanguwusa mu malo ghake.

1 ŴaKaronga 11:32

(kweni iyo wakaŵanga ndi fuku limoza, chifukwa chaku Davidi ndi chifukwa cha Yerusalemu, msumba weniwo ndikusankha mu mafuku ghose ghaku Yisraele),

1 ŴaKaronga 8:44

“Asani khamu linu lituya ku nkhondo kwachirwana ndi ŵarwani ŵawo, pa nthowa yose yo muŵatumiyengemo, ndipo, ŵarombenge ku Ambuya kurata ku msumba weniwo mukusankha ndi nyumba yeniyo ndazenge zina linu,

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

Marangu 23:3

“Palivi muAmoni pamwenga muMoabu yo wakaserenga mu unganu wa Ambuya, mpaka ku mgonezi wa chumi nanga njumoza mweniyo ngwawo kuti wakaserenga mu unganu wa Ambuya cha muyaya;

Marangu 12:21

Asani malo gho Ambuya Chiuta winu wakasankhanga kuŵikamu zina lake ghe kutali ndi imwe, iku mungabaya ng'ombe yose chingana ndi mberere yose yamu mskambo winu zenizo Ambuya Chiuta winu wamupaskani, nge ndimo nditumulanguliyani; ndipo murghiyenge mu mizi yinu che chose cho munweke.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

1 ŴaKaronga 14:20

Ndipo nyengo yo Yeroboamu wanguwusiya yenga virimika machumi ghaŵi ndi viŵi (22), ndipo wangugona pamoza ndi awiske, sono Nadabu mwana wake wanguwusa mu malo ghake.

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

1 ŴaKaronga 11:1

Sono karonga Solomoni wangwanja ŵanthukazi ŵachilendo: mwana munthukazi waku Farao ndi ŵaMoabu, ŵaAmoni, ŵaEdomu, ŵaSidoni, ndi ŵanthukazi ŵa ŵaHiti,

1 ŴaKaronga 12:17

Kweni Rehoboamu wanguwusa pa khamu la Yisraele, ŵeniwo ŵajanga mu misumba yaku Yuda.

1 ŴaKaronga 22:42

Yehosafati wenga wa virimika machumi ghatatu ndi vinkhonde (35) panyengo yo wangwambiya kuwusa, ndipo wanguwusa virimika machumi ghaŵi ndi vinkhonde (25) mu Yerusalemu. Zina la anyina lenga Ezeba mwana waku Shiliti.

2 Mikoka 12:1

Ndipo unguti wakhozgeka ufumu waku Rehoboamu ndi nthazi zikuru wangujowo dangu la Ambuya, ndi Yisraele yose pamoza nayo.