1 ŴaKaronga 14:10 - Tonga Bible 1986

¹⁰ viyo ehe, ndikatolenga uheni pa nyumba yaku Yeroboamu, ndipo ndikadumuwangako kwaku Yeroboamu munthurumi yose, wose muŵanda ndi mwanangwa mu Yisraele, ndipo ndikamariyanga limu nyumba yaku Yeroboamu, ulaka ndimo munthu watoche ulongo mpaka penipo wamara.

1 ŴaKaronga 14:10 Referans Kwoze

2 ŴaKaronga 14:26

Pakuti Ambuya anguwona suzgu ya paku Yisraele kuti yenga yizitu, chifukwa pengavi yumoza wakujako, muŵanda pamwenga mwanangwa, ndipo pengavi nanga jumoza wakovya Yisraele.

1 ŴaKaronga 21:21

Ehe, ndikazanga ndi uheni paku iwe; ndikakupeyanga tetete, ndipo ndikadumuwangako kwaku Ahabu munthurumi yose, kapolo pamwengamwanangwa, mu Yisraele,

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Malaki 2:3

Ehe, nkhachenyanga mphapu yinu, ndi kupaka ulambwe pa visku vinu, ndipo ndimutuzgeningipo pa maso pangu.

Zefaniya 1:17

Ndiŵaziyenge ŵanthu ndi suzgu, mwakuti ŵendenge nge mbachiburumutiya, chifukwa ŵanangiya Ambuya; ndopa zawo zipungulikenge nge ndi fuvu, ndi munofu wawo nge ndi mtawi.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Ezekiele 26:4

Ŵakapasuwanga malinga gha Turo, ndi kubwanganduwa vitanthali vyake; ndikaparanga nyata yake, mwakuti liŵe jarawi la waka.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yesaya 14:23

Ndipo ndikauchitanga kuŵa chihara cha ŵamunjiri, ndi mweyo wakubwanganduwa, atiti Ambuya ŵa maŵanja.”

Yesaya 14:19

kweni iwe wadikikiya kubwalo, kutali ndi muunda wako, uli nkhupapa kwa kufyoka wambura kukhumbikwa, wakuvwarikika ndi ŵakubayika, wo ŵangurasika ndi lipanga, wo ŵasere pasi ku mya ya Zenje, uli ndi thupi la kufwa la mupwatikiya pasi ndi rwayo.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Sumu 83:10

wo ŵanguthereskeka pa Endoro, ŵeniwo vitanda vyawo vinguŵa vundira pa charu.

Jobu 20:7

ndipuuli wakamaranga nge ndi ulambwe wake; wo ŵatimuwona ŵakatinge, ‘Wepani?’

2 ŴaKaronga 21:13

Ndipo ndikatambalikanga pa Yerusalemu chingwe chakupimiya cha Samaria, ndi thabwa la kupimiya la nyumba yaku Ahabu, ndipo ndikapuputanga Yerusalemu nge ndimo munthu wapuputiya mbali, kupuputa pavuli wavunika.

2 ŴaKaronga 9:37

ndipo chiŵanda chaku Yezebelu chazamkuŵa uli ndi ndoŵe pa chisku cha munda mu Yezerele, viyo kuti paza muwulavi yo wazamkamba kuti, Uyu ndi Yezebelu.’ ”

1 ŴaKaronga 16:11

Penipo wangwamba kuwusa, po wanguti waka jepo pa chitengo, wangubaya ŵanyumba yose yaku Basha; wengavi kumusiyapo nanga njumoza wa ŵabali ŵake pamwenga mabwezi ghake.

1 Samuele 25:34

Chifukwa kwakuneneska mo aliri amoyo Ambuya Chiuta waku Yisraele, yo wandikanizga kukuchitiya uheni, asani wengavi kutinthimika kuzachikumana nane, ndineneska mphanyi kuti wajangako nanga njumoza cha kufika mawa ndi mlenji wa ŵanyumba yaku Nabala.”

1 Samuele 25:22

Chiuta wamuchitiye viyo Davidi ndipo wasazgiyepo, asani ndisiyengepo yumoza munthurumi nyengo ya mawa ndi mlenji paku wose wo we nawo.”

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

1 ŴaKaronga 13:34

Ndipo chinthu ichi chinguŵa mphurupuru ku nyumba yaku Yeroboamu, mwakuti yidumulike ndi kuyiparghang'a kuyituzgako ku chisku cha charu chapasi.

1 ŴaKaronga 16:3

Ehe, ndikamupeyanga tetete Basha ndi nyumba yake, ndipo ndikachitanga nyumba yako ulaka ndi nyumba yaku Yeroboamu mwana waku Nebati.

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,