1 ŴaKaronga 13:8 - Tonga Bible 1986

⁸ Ndipo munthu waku Chiuta wanguti ku karonga, “Nanga mungandipaska chimoza cha vigaŵa viŵi vya nyumba yinu, kuti ndikaserengamo namwe cha. Kuti ndikarghanga chiŵande chingana nkhumwa maji cha mu malo yagha;

1 ŴaKaronga 13:8 Referans Kwoze

Maŵerengedu 24:13

‘Chingana Balaki wangundipaska nyumba yake yakuzaza siliva ndi golide, kuti ndingajumpha mazu gha Ambuya cha, kuchita chamampha pamwenga chiheni pa khumbu laku ine ndija; chenicho Ambuya akamba, ndichu nane nkhakambanga?’

Maŵerengedu 22:18

Kweni Balamu wangwamuka ŵateŵeti ŵaku Balaki wanguti, “Chingana Balaki wangundipaska nyumba yake yakuzaza siliva ndi golide, kuti ndatinge ndijumphengi pa langulu la Ambuya Chiuta wangu cha, kuchita vimana pamwenga vinandi.

Marko 6:23

Ndipo wangumrapiya, kuti, “Chose cho ungandipempha ndikupaskenge, chingana chingaŵa chigaŵa chapaŵi cha ufumu wangu.”

Marko 6:11

Ndipo ku malo kose ko ŵareka kukurondeni, chingana nkhukuvwani, muchituwa kweniko, kung'unthani fuvu la kusi ku marwayo ghinu, nge nchisimisimi kwaku wo.”

2 ŴaKaronga 5:16

Kweni iyo wanguti, “Mo aliri amoyo Ambuya ŵeniwo nditataliya, kuti ndirondengeko kanthu cha.” Wangumukakamizga kuvironda, kweni wangukana.

Chituwa 7:2

Wamukamba vyose vyenivyo ndakulanguliya ndipo Aroni mwana munyako wamunene Farao kuti wakazomerezge ŵaYisraele kutuwa mu charu chake.

Chituwa 5:6

Mu zuŵa lenilo Farao wangulanguliya ŵakutufuliya ŵanthu ndi ŵakapitawi,

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

1 ŴaKaronga 13:9

pakuti ndimu kungundilangulikiya ndi mazu gha Ambuya, kuti, ‘Kuti ukarghanga chiŵande, pamwenga kumwa maji cha, pamwenga kuwere so munthowa yo unguziyamo cha.’ ”

Maŵerengedu 22:8

Iyo wangunena nawo, “Gonani pano usiku wuno; ndipo mo Ambuya akakambiyanga nane, ndikuwezgiyeninga mazu”; viyo ŵara ŵaMoabu ŵanguja ndi Balamu.

Sumu 141:4

Ndisungeni ku kuchita uheni we wose, kujitangwamiska mu nchitu ziheni, pamwenga kusangana ndi ŵanthu ŵaheni mu mauheni ghawo. Ndireke kusangana nawo mu madghera ghawo!