1 ŴaKaronga 13:6 - Tonga Bible 1986

⁶ Ndipo karonga wanguti ku munthu waku Chiuta, “Ndiŵeyerere wezi wa Ambuya Chiuta wako, undirombe, kuti janja langu liweriyemo.” Ndipo munthu waku Chiuta wanguŵeyere Ambuya; janja la karonga linguweriyamo, ndipo linguŵa uli ndimo lenge pakudanga.

1 ŴaKaronga 13:6 Referans Kwoze

Machitidu gha Ŵakutumika 8:24

Ndipo wangwamuka Simoni, wanguti, “Muŵeyere imwe ku Ambuya pa chifukwa changu, viyo kuti kangandiziya cha kamoza kaku vyo mwakamba.”

Chituwa 10:17

Iku sono, ndigowokiyeni ulakwi wangu, kenaka kamoza pe, ndipo ŵeyereni ku Ambuya Chiuta winu, kutuzgako nyifwa iyi kwangu.”

Chituwa 9:28

Ŵeyereni Ambuya, pakuti kwaŵa kudiririska ndi vuwa ya matalala vyo vyaŵapo vinandi mbwenu; ndikakuzomerezganinga kuruta ndipo mukajanga so muno cha.”

Chituwa 8:8

Sono Farao wangudana Mosese ndi Aroni, ndi wanguti, “Ŵeyereni Ambuya kuti ŵatuzgepo ŵamchuwa paku ine ndi pa ŵanthu ŵangu; ndipo ndikaŵazomerezganga ŵanthu kuruta kwachisopa Ambuya.”

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Chituwa 8:28

Viyo Farao wanguti, “Ndikamuzomerezganinga kuruta, kwachipereka sembe ku Ambuya Chiuta winu mu bozwa, kweni kuruta mukarutanga kutali ukongwa cha. Ndiŵeyeriyeni ine.”

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

ŴaRoma 12:21

Ungagodeka ndi uheni cha, kweni ugode uheni wo ndi umampha.

ŴaRoma 12:14

Ŵatumbikeni ŵeniwo ŵakuŵembani; tumbikani, ndi mungatemba cha.

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Luka 23:34

Ndipo Yesu wanguti, “Ada, ŵarekeni chifukwa kuti ŵaziŵa cha cho ŵachita.” Ndipo pakugaŵana minjirira yake, ŵangupong'a mphenduzga.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Yeremiya 37:3

Karonga Zedikiya wangutuma Yohukali mwana waku Shelemiya, ndi Zefaniya mzukuru mwana waku Masiya, kwaku Yeremiya mchimi, kuti, “Utirombe kwa Ambuya Chiuta widu.”

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

Maŵerengedu 12:13

Sono Mosese wanguriya ku Ambuya kuti, “Muchizgeni, Chiuta mwe, nditukuŵeyereni.”

Chituwa 12:32

Toni viŵetu vinu, ndi miskambu yinu, uli ndimo mukunene, ndi mutuwemo, ndi munditumbike so nane.”

1 ŴaKaronga 13:5

Chiguŵa cha sembe nacho chingubwangandukiya pasi, ndipo choto chingudika kutuwa ku chiguŵa cha sembe, kuyana ndi chiziŵisku cho munthu waku Chiuta wangupereka pa mazu gha Ambuya.

Sumu 119:58

Ndipempha wezi winu ndi mtima wangu wose; kwakulingana ndi phanganu linu, ndichitiyeni wezi!

Zekariya 7:2

Sono ŵanthu ŵaku Betele ŵangutuma a Serezera, ndi Regemeleke ndi ŵanthu ŵawo, kwachiŵeyere wezi wa Ambuya,

Chituwa 8:4

Ŵamchuwa ŵazakukubalamatiya iwe ndi ŵanthu ŵako ndi ŵaŵanda ŵako.” ’ ”