1 ŴaKaronga 12:21 - Tonga Bible 1986

²¹ Rehoboamu wanguza ku Yerusalemu, wanguwungang'a nyumba yose yaku Yuda, ndi mtundu waku Benjamini, ŵankhondo ŵakusankhika vikwi machumi pe chumi ndi machumi nkhonde ndi ghatatu (180,000) kwachirwa ndi nyumba yaku Yisraele, kuwezge ufumu kwaku Rehoboamu mwana waku Solomoni.

1 ŴaKaronga 12:21 Referans Kwoze

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

2 Mikoka 14:8

Ndipo Asa wenga ndi ŵankhondo vikwi machumi pe chumi ghatatu (300,000) ŵa mwaku Yuda, ŵakupinga nguru ndi mikondo, ndipo so ndi vikwi machumi pe chumi ghaŵi pachanya machumi ghankhonde ndi ghatatu (280,000) ŵa mwaku Benjamini, ŵakupinga nguru ndi mauta; wose wo vyenga vinkhara vyanthazi.

1 Mikoka 21:5

Ndipo Yoabu wangupereka kaŵerengedu ka unandi wa ŵanthu kwaku Davidi. Mu Yisraele yose mwenga vikwi-vikwi ndi vikwi machumi pe chumi (1,100,000) ŵanthu ŵakuwewepuwa malipanga, ndi mu Yuda vikwi machumi pe chumi ghanayi, pachanya vikwi machumi ghankhonde ndi ghaŵi (47,000) ŵakuwewepuwa malipanga.

1 ŴaKaronga 11:32

(kweni iyo wakaŵanga ndi fuku limoza, chifukwa chaku Davidi ndi chifukwa cha Yerusalemu, msumba weniwo ndikusankha mu mafuku ghose ghaku Yisraele),

1 ŴaKaronga 14:30

Ndipo penga nkhondo pakati paku Rehoboamu ndi Yeroboamu kwakukiyakiya.