1 ŴaKaronga 12:15 - Tonga Bible 1986

¹⁵ Viyo karonga kuti wanguvwa gha ŵanthu cha; pakuti kwenga kugadabuka kwa vinthu ko kunguchitika ndi Ambuya mwakuti ŵafiske mazu ghawo, gho Ambuya angurongorore mwaku Ahija ku Shilo kwaku Yeroboamu mwana waku Nebati.

1 ŴaKaronga 12:15 Referans Kwoze

1 ŴaKaronga 12:24

Ambuya atiti, ‘Kuti murutenge pamwenga kwachirwa ndi ŵabali ŵinu ŵaYisraele cha. Munthu yose wawere kwake, chifukwa chinthu ichi chatuliya kwangu.’ ” Viyo ŵanguvwiya mazu gha Ambuya, ŵanguwere kwawo, kwakulingana ndi mazu gha Ambuya.

Ŵeruzgi 14:4

Awiske ndi anyina kuti ŵanguziŵa cha kuti chingutuliya ku Ambuya; pakuti apenjanga nyengo ya kumikana ndi ŵaFilisti pa nyengo yiya ŵaFilisti ŵenga muwusu paku Yisraele.

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

2 Mikoka 25:20

Kweni Amaziya kuti wanguvwiya cha; chifukwa lenga khumbo laku Chiuta mwakuti waŵapereke mu manja gha ŵarwani ŵawo, chifukwa ŵangupenja ŵachiuta ŵa Edomu.

2 Mikoka 22:7

Pharghaniko laku Ahaziya lenga laku Chiuta, chifukwa chakuza chiwona Yoramu. Chifukwa wanguti waza, mbwenu waruta pamoza ndi Yehoramu kwachirwana ndi Yehu mwana waku Nimishi, yo Chiuta wangumika ndi kumpaka kuti waparghang'e nyumba yaku Ahabu.

2 Mikoka 10:15

Viyo karonga kuti wanguvwa gha ŵanthu cha, fundu iyi yinguturiya kwaku Chiuta mwakuti Chiuta wafiske mazu ghake gho wangukamba ndi Ahija mu Shiloni kwaku Yereboamu mwana waku Nebati.

1 ŴaKaronga 11:11

Chifukwa cho Ambuya anguti kwaku Solomoni, “Pakuti ili laŵa khumbo lako ndipo ulivi kusunga phanganu langu ndi marangu ghangu ghenigho ndakulanguliya, kwakuneneska ndikaparuwanga ufumu wo kwaku iwe ndipo ndikawupaskanga ku muŵanda wako.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

2 ŴaKaronga 10:10

Iko ziŵani kuti pawulengevi kamoza ko kakawanga ŵaka pasi ka mazu gha Ambuya, gho Ambuya angukamba gha pa nyumba yaku Ahabu, pakuti Ambuya achita cho angukambiya mu mteŵeti wawo Eliya.”

2 ŴaKaronga 9:36

Ŵanguti ŵaweko ndi kumunene, iyo wanguti, “Agha ndi mazu gha Ambuya ghenigho angukambiya mwaku Eliya mu Tishibi, ‘Muchigaŵa cha Yezerele, ŵagaru ŵakarghanga nyama yaku Yezebelu,

1 ŴaKaronga 22:23

Sono awona, Ambuya aŵika mzimu wakupusika mu mlomo wa ŵamchimi ŵako wose yaŵa; Ambuya akamba chiheni chapaku iwe.”

2 Samuele 17:14

Absalomu pamoza ndi ŵanthurumi wose ŵaYisraele, ŵanguti, “Fundu yaku Hushai mu Arki ndiyo yamampha kuruska yaku Ahitofele.” Chifukwa Ambuya angumika kususka fundu yamampha yaku Ahitofele, mwakuti Ambuya asiskiye uheni paku Absalomu.

Machitidu gha Ŵakutumika 3:17

“Ndipo sono, mwa ŵabali, ndaziŵa kuti munguchita cho mu ujira, ulindimo ŵanguchitiya ŵaraŵara ŵinu nawo.

Sumu 5:10

Muŵapingizge kunanga kwawo, A Chiuta muŵawiske mu fundu za ŵeneko; chifukwa cha unandi wa mphurupuru zawo muŵataye kubwalo, pakuti ŵamugarukiyani imwe.

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

Chiyambo 24:50

Sono Labani ndi Betele ŵangwamuka, “Chinthu cho chituwa ku Ambuya; kuti tingakamba nawe chiheni pamwenga chamampha cha.