1 ŴaKaronga 12:11 - Tonga Bible 1986

¹¹ Ndipo sono, po ada ŵanguŵika pinu goŵa lizitu, ine ndikasazgiyangako ku goŵa lo. Ada ŵangumukwechuwani ndi vikoti, kweni ine ndikukwechuweninge ndi vipiriri.’ ”

1 ŴaKaronga 12:11 Referans Kwoze

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Yeremiya 27:11

Kweni mtundu we wose weniwo ukaŵikanga khose lake mu gori la karonga wa Babiloni ndi kumutataliya, ndikawusiyanga pa charu chake, kulima, ndi kuja mwenimo, atiti Ambuya.” ’ ”

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

1 ŴaKaronga 12:14

wangurongoro nawo kwakulingana ndi upu wa ŵanyamata, “Po ada ŵanguŵika pinu goŵa lizitu, ine ndikasazgiyangako ku goŵa lo. Ada ŵangumukwechuwani ndi vikoti, kweni ine ndikukwechuweninge ndi vipiriri.”

1 Samuele 8:18

Ndipo mu zuŵa liya mwazamuliya chifukwa cha karonga winu, mweniyo mwasankha mwaŵeni; zuŵa liya kuti mwazamukuvwa kwamuka kwa Ambuya cha.”

Chituwa 5:18

Rutaninge sono, katateninga, pakuti mukapaskikanga uteka cha, kweni mukawumbanga ncherwa zakuyana unandi wake.”

1 ŴaKaronga 12:10

Ndipo ŵanyamata wo wangukuliya nayo pamoza ŵanguti, “Viyo ndimu mukambiyi ndi ŵanthu ŵeniwo ŵanguti kwako, ‘Ausu ŵanguzitiska goŵa lidu, kweni iwe utiyuyuske.’ Uŵanene kuti, ‘Chikumbu changu chimana nchikhomi kwakuruska chiunu cha ada.

1 ŴaKaronga 12:12

Yeroboamu ndi ŵanthu wose ŵanguza kwaku Rehoboamu pa zuŵa la chitatu, mo karonga wangukambiya kuti, “Mukazi so kwangu zuŵa la chitatu.”

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.