1 ŴaKaronga 12:10 - Tonga Bible 1986

¹⁰ Ndipo ŵanyamata wo wangukuliya nayo pamoza ŵanguti, “Viyo ndimu mukambiyi ndi ŵanthu ŵeniwo ŵanguti kwako, ‘Ausu ŵanguzitiska goŵa lidu, kweni iwe utiyuyuske.’ Uŵanene kuti, ‘Chikumbu changu chimana nchikhomi kwakuruska chiunu cha ada.

1 ŴaKaronga 12:10 Referans Kwoze

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 28:25

Munthu mususi wayuska ndeu, kweni mweniyo wagomekezga mu Ambuya wakasambasanga.

Nthanthi 10:14

Ŵanthu ŵazeru ŵasunga kuziŵa, kweni kubwebweta kwa wakupusa kutuza ndi phasulu pafupi.

1 ŴaKaronga 12:9

Ndipo wanguti kwaku wo, “Nchine cho mutindipanga kuti nkhamuke ŵanthu wo ŵangundifumba kuti, ‘Uyuyuske goŵa lo ausu ŵakuŵika paku ifwe’?”

1 ŴaKaronga 12:11

Ndipo sono, po ada ŵanguŵika pinu goŵa lizitu, ine ndikasazgiyangako ku goŵa lo. Ada ŵangumukwechuwani ndi vikoti, kweni ine ndikukwechuweninge ndi vipiriri.’ ”