1 ŴaKaronga 11:3 - Tonga Bible 1986

³ Wenga ndi ŵawoli machumi pe chumi ghankhonde pachanya ghaŵi (700), ŵana ŵa mafumu, ndi machumi pe chumi ghatatu (300); mabwezi ghanthukazi.

1 ŴaKaronga 11:3 Referans Kwoze

Wakutaula 7:28

cho mtima wangu waŵa wakupenjapenja, kweni kuti ndachisaniya cha. Mukati mu ŵanthurumi chikwi (1,000) ndasaniyamo munthu yumoza, kweni mu ŵanthukazi chikwi (1,000) kuti ndasaniyamo yumoza cha.

2 Mikoka 11:21

Rehoboamu wangwanja Maka mwana waku Absolomu kwakuruska ŵawoli ŵake wose ndi mbirigha (wenga ndi ŵawoli chumi pachanya ŵankhonde ndi ŵatatu (18) ndi mbirigha machumi ghankhonde ndi limoza (60) ndipo wenga ndi ŵana ŵanthurumi machumi ghaŵi pachanya ŵankhonde ndi ŵatatu (28) ndi ŵana ŵanthukazi machumi ghankhonde ndi limoza (60)).

Ŵeruzgi 9:5

Ndipo wanguruta ku nyumba ya awiske ku Ofra wangubaya ŵana ŵanyake ŵana ŵaku Yerubala, machumi ghankhonde ndi ghaŵi (70) pa mwa umoza; kweni Yotamu mwana wakumaliya waku Yerubala wangurekeka, pakuti wangujibisa.

Marangu 17:17

Ndipo wangaŵanga ndi ŵawoli ŵanandi cha, vinu mtima wake ungang'anamukiya pa dondo, chingana nkhuti wajandaniskiyenge ndrama za golide ndi siliva cha.

Sumu ya Zisumu 6:8

Ghaliko mafumukazi machumi ghankhonde ndi limoza (60), ndi mbiligha machumi ghankhonde ndi ghatatu (80), ndipo ŵamwali mbambura maŵerengeka.

Sumu ya Zisumu 6:9

Nkhunda yangu, murungi wangu, njumoza pe mbwenu, wapa mtima ku anyina, ngwakusankhika waku mweniyo wakumupapa. Ŵamwali ŵangumuwona ndipo ŵangumudana kukondwa; mafumukazi, pamoza ndi mbiligha viyo, ŵangumukuzga ukongwa.

Ŵeruzgi 3:6

ndipo ŵanguyitole ŵana ŵawo ŵanthukazi kuŵa ŵawoli, ndipo ŵana ŵawo ŵanthukazi ŵangupereka ku ŵana ŵawo ŵanthurumi; ndipo ŵangutataliya ŵachiuta ŵawo.

Estere 1:18

Mafumukazi ghaku Perese ndi Media gho ghavwa kachitidu ka fumukazi ghakambenge kwakukozgana msana wale ku mafumu ghose gha karonga. Viyo muyuyu ndi ukari vikuwenge ukongwa.

Wakutaula 2:8

Ndinguwunjikiya so siliva ndi golide ndi usambasi wa ŵakaronga ndi vigaŵa vya charu ndinguŵa ndi ŵakumba ŵanthurumi ndi ŵanthukazi, ndi mbiligha zinandi, likondwa la munthu.