1 ŴaKaronga 10:9 - Tonga Bible 1986

⁹ Watumbikike Mbuya Chiuta winu, yo ngwakukondwere mwaku imwe ndi kumujarikani pa chitengo chaku Yisraele! Chifukwa Ambuya ŵangwanja Yisraele muyaya, akuchitani imwe kuŵa karonga, kuti muchitenge cheruzgu chirunji ndi ukongorekwa.”

1 ŴaKaronga 10:9 Referans Kwoze

Sumu 72:2

alinga kuti weruzgenge ŵanthu ŵinu mu uneneska, ndi kuwunganiska ŵasauchi mu urunji.

1 ŴaKaronga 5:7

Penipo Hiramu wanguvwa mazu ghaku Solomoni, wangukondwere ukonga, ndipo wanguti, “Atumbikike Ambuya msana wale, wo apaska Davidi mwana wazeru kuŵa wakuwusa khamu likuru ili.”

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

2 Mikoka 2:11

Viyo Hiramu karonga waku Turo wangamuka mu karata yo wangutuma kwaku Solomoni wanguti, “Chifukwa Ambuya atanja ŵanthu ŵawo reka akuŵika iwe karonga waku wo.”

Sumu 22:8

Ŵatiti, “Wathamiya Ambuya; rekani amupozomoske; amutaske, pakuti akondwere mwaku iyo!”

Sumu 18:19

Angunditore mu malo ghasani; angundipozomoska, chifukwa angukondwere mwaku ine.

1 Mikoka 17:22

Pakuti ŵanthu ŵinu ŵaYisraele mukuŵachita kuŵa ŵinu muyaya; ndipo imwe, Ambuya munguŵa Chiuta wawo.

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

Yesaya 62:4

Kuti mukadanikanga so Ŵakujoworeka cha ndipo charu chinu kuti chikadanikanga Mapopa cha; kweni mukadanikanga likondwa Langu le mwake (Hefiziba), ndi charu chinu Wakuŵirwa (Beula); pakuti Ambuya akondwere mwaku imwe, ndipo charu chinu chikaŵirwanga.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

2 Samuele 5:12

Davidi wangupanikizga kuti Ambuya amumika kuti waŵe karonga pa ŵa Yisraele, ndikuti wakwezga ufumu wake chifukwa cha ŵanthu ŵake ŵaYisraele.

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yeremiya 31:3

Ambuya angumuwoneke, kutuliya kutali. Ndakwanja ndi chanju cha muyaya, chifukwa cho ndaŵa ndi lisungu lakurutiliya paku iwe.

Malaki 1:2

Ambuya atiti, “Ndamwanjani.” Kweni imwe mutiti, “Mwatanja uli?” Ambuya atiti, “Kuti Esau ndi mbali waku Yakobe cha? Ndipuuli ndanja Yakobe,