1 ŴaKaronga 1:47 - Tonga Bible 1986

⁴⁷ Ndipo so ŵaŵanda ŵa karonga ŵanguza kuzachirumba mbuyafwe karonga Davidi, kuti, ‘Chiuta wako wachite zina laku Solomoni kuŵa lambiri yakuruska yinu, ndipo wakuzge chitengo chake chiruske chitengo chinu.’ Ndipo karonga wangukotama mutu wake pa chita.

1 ŴaKaronga 1:47 Referans Kwoze

1 ŴaKaronga 1:37

Mwenimo Ambuya ajariya ndi mbuyangu karonga, viyo so ndimu ajaliya ndi Solomoni, ndipo akuzge chitengo chake kwakuruska chitengo cha mbuyangu karonga Davidi.”

Chiyambo 47:31

Ndipo iyo wanguti, “Rapa kwaku ine”; ndipo wangurapa kwaku iyo. Sono Yisraele wangukotamiya pa mutu wa chita chake.

ŴaHebere 11:21

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

Ezra 6:10

mwakuti ŵabayiyenge chiuta wa kuchanya sembe zakukondweska, ndipo ŵarombiyenge umoyo wa karonga ndi ŵana ŵake.

2 Samuele 21:3

Davidi wangunena ndi ŵaGibeoni, “Ndimuchitiyeninginje ndipo ndingapepeska uli, mwakuti mutumbike ŵanthu ŵa Ambuya?”

2 Samuele 8:10

Tio wangutuma mwana wake Yoramu ku karonga Davidi kwachimtauzga ndi kumtumbika chifukwa wangurwana ndi Hadadezere ndi wangumupunda; pakuti nyengo zinandi Hadadezere wanguŵa pa nkhondo ndi Toi. Ndipo Yoramu wangupinga viyaŵi vya siliva, vya golide, vya mkuŵa;

Chituwa 12:32

Toni viŵetu vinu, ndi miskambu yinu, uli ndimo mukunene, ndi mutuwemo, ndi munditumbike so nane.”