1 Timote 6:9 - Tonga Bible 1986

⁹ Kweni wo mbakukhumba kusambasa ŵatuwa mu kesedu ndi chikhwiriki ndi malikhumbira ghanandi ghazereza ndi gharwani, ghenigho ghose ghabizga ŵanthu mu chipasuka ndi wanangiku.

1 Timote 6:9 Referans Kwoze

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.

1 Timote 3:7

Ndipo so watenere kuŵa ndi mbiri yeneko kwaku wo mbakubwaro; vinu wangawiya mu kawereri ndi chikhwiriki cha diabolo.

Machitidu gha Ŵakutumika 8:20

Kweni Petro wangunena nayo, “Siliva wako wayowe nawe pamoza, pakuti warunguruka kwanduliya ndi ndrama mpasku wo waku Chiuta!

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Yuda 1:11

Owe wo nawo! Pakuti ŵangukiya mu nthowa yaku Kaine, ndipo ŵangutunthwiya ku urandizgi waku Balamu chifukwa cha mphotu, ndipo ŵayowe mu chigaruka uli nchaku Kora.

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

Marko 4:19

Kweni chifukwa cha maghanaghano gha mgonezi wo, ndi fuvyu la usambasi, ndi makhumbiro gha vinthu vinyake ghakuseremu, sono vighafinyirizga mazu, ndipo ghatuwa ghazira vipasi.

Mateyu 26:15

Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu.

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Nthanthi 22:16

Mweniyo wasauska mukavu pakukhumba kwandaniska uromba wake, pamwenga wapaska ku musambasi wakakhumbilanga pavuli.

Nthanthi 21:6

Kusaniya mauromba ndi lilime la utesi ndi mvuchi wakuyingayinga ndi chiŵana cha nyifwa.

Nthanthi 20:21

Chihara chakuchitole mu ruŵi pakudanga pavuli kuti chitumbikikenge cha.

2 Timote 2:26

ndi kuti ŵangajiwezgako ku chikwiriki cha diabole, pakukoleka mkoli ndi iyo ku khumbo laku yo.

1 Timote 1:9

wakuziŵa ichi, kuti dangu lilive kuŵikikiya murunji, kweni likuŵikikiya ŵambura kuziŵa dangu ndi ŵambura kuvwiya, ŵambura kopa Chiuta ndiŵalakwi, ŵambura urunji ndi ŵamtafu, ŵakubaya-ŵauskeu ndi ŵakubaya-ŵanyinawo, ŵakubaya ŵanthu,

Luka 21:35

chifukwa viyo liziyenge paku wose ŵakuja pa chisku chose cha charu.

Zekariya 11:5

Wo ŵazigula ŵazibaya kwambura kulangika; wo ŵaguliska ŵatiti, ‘Atumbikike Ambuya, chifukwa ndasambazgika!’

Yesaya 5:8

Owe kwaku wo ŵalungizgana nyumba ku nyumba, wo ŵasazga munda ku munda, mpaka penipo malo ghalivi kujapo, ndipo mwachitika kuja paku mwija mukati mu charu cho.

Nthanthi 23:4

Reka kutakatakiya uromba, uŵe wazeru kureka.

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Maŵerengedu 31:8

Ŵangubaya ŵakaronga ŵaku Midiani pamoza ndi ŵakubayika ŵawo: Evi, Rekeme, Zuru, Huru ndi Reba, ŵakaronga ŵankhonde ŵaMidiani; ndipo so ŵangubaya Balamu mwana waku Beori ndi lipanga.

Mateyu 6:19

“Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba.

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

1 ŴaKaronga 21:6

Ndipo iyo wanguti, “Chifukwa ndingukamba ndi Naboti mu Yezerele ndinguti, ‘Undipaske munda wako wa mphereska tigulane ndi ndrama; pamwenga napu, asani chingakukondweska, ndikupaske munda unyake wa mphereska kugulizgana’; ndipo iyo wangwamuka, ‘Kuti ndikupaskenge cha munda wangu wa mphereska.’ ”