1 Timote 6:18 - Tonga Bible 1986

¹⁸ kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

1 Timote 6:18 Referans Kwoze

ŴaHebere 13:16

Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

1 Yohane 3:17

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?

ŴaRoma 12:8

pamwenga wakuchichizga, mu uchichizga wake; wakupaska vyawezi, mu wanangwa; wakuwusa mu phamphu; wakuchitiya lisungu, mu masangu.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu:

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

ŴaRoma 12:13

muŵe ŵakusangana nawo mu maukavu gha ŵakupaturika; ŵakutakatakiya wezi ku ŵalendo.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

1 ŴaKorinte 16:2

Pa zuŵa lakudanga la sabata munthu yose waku imwe wajiŵikiye mbiku yake pade uli ndimo wasakatiya, alinga kuti vyakupereka vinu vireke kwazichitika ndichiza ine.

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Wakutaula 11:6

Umije mbeu yako ndi mlenjilenji, ndipo ndi mazulo ureke kuko janja lako; pakuti kuti uziŵa cha zo zandanenge, izi pamwenga ziya pamwenga vinu zose ziŵi zikaŵanga zamampha kwakukozgana.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

3 Yohane 1:11

Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

Yesaya 32:8

Kweni yo ngwakuzirwa wapanga vinthu vyakuzirwa, ndipo watuma mu vinthu vyakuzirwa.

Wakutaula 3:12

Ndiziŵa kuti kulivi kamampha kwaku iwo kwakuruska kukondwa ndi kusekere mwaku iwo ŵija po ŵeche ndi umoyo;

2 Mikoka 24:16

Wangumuŵika mu msumba waku Davidi mukati mu ŵakaronga, chifukwa wanguchita umampha mu Yisraele ndi kwaku Chiuta ndi ku nyumba yake.

1 Petro 3:11

wapambukeko ku uheni, ndi wachite umampha; wapenje chimangu, ndipo wachindondoloske.

Machitidu gha Ŵakutumika 11:29

Ndipo ŵamu ŵasambizi, uli ndimo yumoza ndi yumoza wasakatiyanga, yose waku wo wanguteme chiteŵeta chitumike ku ŵabali ŵakuja mu Yuda;

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Mateyu 5:42

Paska kwaku yo wakupempha, ndipo ku wakukhumba kulamba kwako, ungamukaniya cha.

Luka 3:11

Ndipo wakwamuka waŵaneniyanga, “Yo we ndi minjirira yiŵi wapaskeko kwaku yo walivi; ndi yo we ndi vyaukurgha, wachite kwakulingana.”

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.