1 Timote 6:12 - Tonga Bible 1986

¹² Limba-limbanga mlimbanu wo weneko wa chivwanu, jibwakiye umoyo wo wamuyaya, kwaku weniwo ungudanikiya, ndipo unguzomerezga chizomerezgu cho cheneko pa maso gha ŵakaboni ŵanandi.

1 Timote 6:12 Referans Kwoze

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

1 Timote 1:18

Langulu lenili ndipazgiya iwe, Timote, wamwana wangu, uli ndi mauloska ghakukapo pako kali, alinga kuti mwaku gho ulipote homwa lo leneko,

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho:

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

1 Timote 6:13

Ndikulanguliya pa maso ghaku Chiuta, wakupaska vyose umoyo, ndi ghaku Kristu Yesu, mweniyo wangusimikizgiya paurongo paku Pontio Pilato chizomerezgu cho cheneko,

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

Zekariya 10:5

Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

Nthanthi 3:18

Ndi muti wa umoyo kwaku ŵaniwo ŵatiwuko; ŵeniwo ŵatiukoleska ŵadanika kukondwa.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

2 ŴaTesalonika 2:14

Kwaku chenicho wangumdaniyani mu evangeli widu, mwakuti musangane unkhankhu wa Ambuyafwe Yesu.

Sumu 63:8

Mzimu wangu uskepere kwaku imwe; janja linu lakurghiya landikoreze.

Marangu 26:3

Ndipo mukarutanga ku mzukuru yo wateŵeta pa nyengo yo. Mwamunena kwaku iyo, ‘Ndizomera msana wale ku Ambuya Chiuta wako kuti ndaza mu charu cho Ambuya angurapiya auskemwe kutipaska ifwe.’

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

2 ŴaKorinte 9:13

Ŵeniwo ŵamkankhuskiya Chiuta mu karongoledu ka uteŵeti winu, chifukwa cha chithera cha chizomerezgu chinu ku evangeli waku Kristu, ndi chifukwa cha wanangwa wa mpasku winu wamasanga kwaku yiwo ndi kwaku wose;

ŴaHebere 13:23

Ziŵani kuti mbali widu Timote wafwatulika; pamoza ndi mweniyo, asani wazenge ruŵi, ndazamkumuwonani.

2 ŴaKorinte 6:7

mu mazu gha uneneska, mu nthazi yaku Chiuta, ndi vidya vya urunji ku marghe ndi ku maze,

Sumu ya Zisumu 3:4

Ndinguŵajumpha kanyengo kamanavi, ndinguti ndamusaniya mweniyo mzimu wangu utanja. Ndingumuko, ndipo kuti ndinguzomerezga kumutaya cha mpaka penipo ndingumutore mu nyumba ya ama, mu chipinda chaku mweniyo wakundipapa.

ŴaFilipi 1:30

pakuŵa ndi mlimbalimba wo, weniwo munguwona ndipo sono mutuvwa kuti we mwaku ine.

1 Timote 1:19

pakuŵa ndi chivwanu ndi njuŵi yamampha, yeniyo ŵanyake ŵajipankhuliya, ndipo ŵagaruka kuchiri ku chivwanu cho:

1 Timote 4:14

Ungachijowo cha chaulera cho chamwako, chenicho chingupaskika kwaku iwe penipo ŵamchimi ŵangurongoro, ndi ŵara ŵanguŵikapo manja.

2 Timote 2:2

Ndipo vyenivyo wavwa kwangu mu ŵakaboni ŵanandi, vyenivyo sambizganga ŵanthu ŵamagomekezgeke, wo ŵaŵenge ŵakwenere kwachisambizga ŵanyake nawo.

Yuda 1:3

Mwaŵakwanjiwa, pakutinthimikiya kukulembiyani vyapa utaski widu wamasanga, ndingukakamizgika kumlembiyani ndi kumchiskani kulimbiya pa chivwanu cho chaperekeka kamoza ku ŵakupaturika.

Ŵeruzgi 3:2

ichi chenga chakuti mphanyi migpnezi ya ŵaYisraele yinguziŵa nkhondo, kuti kokuli angasambizga wo ŵengavi kuyiziŵa nkhondo kale.