1 Timote 6:11 - Tonga Bible 1986

¹¹ Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

1 Timote 6:11 Referans Kwoze

2 Timote 2:22

Kweni thaŵanga maulakalaka ghauhurwa, ndipo ndondoloska urunji, chivwanu, chanju, chimangu, pamoza ndi ŵeniwo ŵadaniya pa Mbuya ndi mtima ukovu.

2 Timote 3:17

alinga kuti munthu waku Chiuta waŵe wakufiskika, wakuphatiskikiya limu ku nchitu yose yamampha.

1 Timote 4:12

Wareke munthu yose kuyeya umpupuka wako; kweni uŵe chandiru cha ŵakuvwana mumazu, mu nkharu, mu chanju, mu chivwanu, mu ukhovu.

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

1 ŴaKorinte 10:14

Viyo mwaŵakwanjiwa ŵangu, thaŵani kusopa-ngoza.

1 Petro 3:11

wapambukeko ku uheni, ndi wachite umampha; wapenje chimangu, ndipo wachindondoloske.

1 ŴaKorinte 6:18

Uthaŵeni ureŵi wo, chakulakwa chose cho wangachita munthu che kubwaro ku liŵavu; kweni yo ngwakureŵa walakwiya liŵavu laku yija.

Sumu 34:14

Tuwako ku uheni, chita umampha; penja chimangu, ndi uchindondoloske.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

1 ŴaKorinte 14:1

Rondoni chanju, ndipo khumbirani vyamzimu vyo, kweni ukongwa kuti mutaule.

ŴaRoma 14:19

Viyo tivirondonge vya chimangu, ndi vyo vyakuzengana:

Yesaya 51:1

Tegherezgani kwangu, imwe mundondoloska utaski, imwe mupenja Ambuya; lereskani ku jarawe kwaku lo mungubanthukako, kuzenje lenilo mungukumbikako.

Sumu 38:20

Ŵakundiwezge uheni pa umampha mbarwani ŵangu, chifukwa ine ndirondo cho nchamampha.

2 ŴaKaronga 5:20

Gehazi mteŵeti waku Elisha munthu waku Chiuta, wanguti, “Awonani, mbuyangu wamufwatuwa ŵaka Namani mu Siriya uyu pakureka kurondako vyo wanguza navyo. Mo aliri amoyo Ambuya, ndikamuchimbiriyanga, kwachirondako kanthu kwaku iyo.”

1 Timote 6:20

Timote we, sungirizga chakupazgika cho; pambukako ku makani ghamtonyoru ndi kuvimikiranu vya mziŵiru wo, weniwo utamulika viyo kwautesi;

Yeremiya 35:4

Ndinguŵatole ku nyumba ya Ambuya mu chipinda cha ŵana ŵaku Hanani mwana waku Igdaliya munthu waku Chiuta, chenicho chenga pafupi ndi chipinda cha ŵaraŵara, pachanya pa chipinda chaku Maseya mwana waku Shalumu, wakusunga pa khomo.

2 Mikoka 8:14

Kwakuyana ndi langulu laku Davidi awiske wanguŵika vigaŵa vya ŵazukuru ku milimu yawo ndi vigaŵa vya ŵaLevi ku nchitu yawo ya mathamiko ndi ya uliska pa maso pa ŵazukuru nge ndimo mlimu wa zuŵa weneriyanga; ŵalinda malikomo nawo mu vigaŵa vya wo pa malikomo ghose; chifukwa viyo ndimo karonga Davidi munthu waku Chiuta wangulanguliya.

2 ŴaKaronga 23:17

Wangulereska ndipo wanguti, “Nchakuzenga uli cho ndiwona patali pa?” Ndipo ŵanthu ŵa msumba ŵangumunene, “Ndi muunda wa munthu waku Chiuta yo wangutuwa kwaku Yuda ndiyo wangutaula vinthu ivi vyo iwe wachitiya pa jochero pa Beteli.”

2 ŴaKaronga 1:13

Karonga wangutuma so nduna ya nkhondo ya liŵanja la machumi ghankhonde ndi ŵanthu ŵake. Ndipo nduna yachitatu ya ŵanthu machumi ghankhonde yingukweriyako, wanguza ndi kujikama makongono ghake paurongo paku Eliya ndi wangumuŵeyere kuti, “Wa munthu waku Chiuta, nditukupempha, umoyo wangu ndi umoyo wa ŵateŵeti yaŵa uŵe wakuzirwa mu maso ghako.

2 ŴaKaronga 1:9

Sono karonga wangumutumiya nduna ya nkhondo ya liŵanja la machumi ghankhonde ndi ŵanthu ŵake machumi ghankhonde. Ŵangukwere kwaku Eliya, mweniyo wanguja pachanya pa kamtunthu, ndi ŵanguti kwaku iyo, “Wa munthu waku Chiuta, karonga watiti, ‘Usike.’ ”

1 ŴaKaronga 20:28

Ndipo wanguza munthu waku Chiuta wangunena ndi karonga wa ŵaYisraele, wanguti, “Viyo atiti Ambuya, ‘Chifukwa ŵaSiriya ŵakamba kuti, “Ambuya ndi Chiuta wamu mapiri kuti ndi Chiuta wamu chidika cha,” chifukwa ichi ndiperekenge chimzinda chose ichi mu janja lako, ndipo ukaziŵanga kuti ine ndine Ambuya.’ ”

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

1 Samuele 2:27

Ndipo kwaku Eli kunguza munthu waku Chiuta, yo wangunena nayo kuti, “Viyo atiti Ambuya, ‘Ndingujivumbuwa ndija ku nyumba ya auskemwe po ŵenga mu Egipiti mu uŵanda ku nyumba yaku Farao.

1 ŴaKaronga 13:26

Ndipo penipo mchimi mweniyo wangumuwezga ku nthowa wanguvwa ichi, wanguti, “Ndi munthu waku Chiuta yo, wengavi kuvwiya mazu gha Ambuya, chifukwa cho Ambuya amupereka ku nkharamu yo ya muparuwa ndi yabaya, kwakuyana ndi mazu gho Ambuya angurongoro nayo.”

1 ŴaKaronga 13:1

Ndipo, ehe, munthu waku chiuta wangutuwa ku Yuda pa mazu gha Ambuya kuza ku Betele. Yeroboamu wanguma pafupi ndi chiguŵa cha sembe kocha vya chema.

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”

Marangu 33:1

Ili ndilo thumbiku lo Mosese munthu waku Chiuta wangutumbika ŵana ŵaku Yisraele wenga wandafwe.

Marangu 16:20

Mukalondonga urunji pe ndiwo, mwakuti muŵe ŵamoyo ndi mukahare charu cho Ambuya Chiuta winu watukupaskani.

Nehemiya 12:36

ndi ŵabali ŵake Shemaya, Azarele, Milalai, Gilalai, Mai, Netaneli, Yuda ndi Hanani, ndi vyakumbiya vyaku Davidi munthu waku Chiuta; ndi Ezra mlembi ŵangwenda paurongo pawo.

Nehemiya 12:24

ndi ŵaraŵara ŵa ŵaLevi: Hashabia, Sherebia, ndi Yeshua mwana waku Kadmiele, pamoza ndi ŵabali ŵawo ŵakuŵa ndimtufu paku wo, kutumbika ndi kupaska, kuwonga, kwakuyana ndi langulu laku Davidi munthu waku Chiuta kulondana yaŵa pa ŵanyawo.

1 Mikoka 23:14

Kweni ŵana ŵake Mosese, munthu waku Chiuta wangusazgikana ndi fuku laku Levi.

1 ŴaKaronga 17:24

Ndipo munthukazi yo wanguti kwaku Eliya, “Sono ndiziŵa kuti ndiwe munthu waku Chiuta, ndi kuti mazu gha Ambuya mu mlomo wako nga uneneska.”

Nthanthi 15:9

Nthowa ya wamphulupulu mbukazuzi ku Ambuya, kweni ŵatanja mweniyo wandondoloska urunji.

1 Timote 1:14

ndipo ungufurwiya ukongwa wezi wo wa Ambuyafwe pamoza ndi chivwanu ndi chanju chamwaku Kristu Yesu.

2 Timote 2:21

Viyo asani munthu wangajiphoto kwaku vyenivi, waŵenge chiyaŵi cha ku ulemu, chakupaturika, chakwanduliya, ku mweneko, chakurongosoleke nchitu yose yamampha.

2 Timote 3:10

Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya,