1 Timote 6:1 - Tonga Bible 1986

¹ Wo wose mbaŵanda pasi pagoŵa ŵapimiye ŵambuyawo ŵaku ŵija nge mbakwenere thumbiku lose, alinga kuti lingatokoskeka cha zina laku Chiuta, ndichisambizgu cho.

1 Timote 6:1 Referans Kwoze

Tito 2:5

ŵavinjeru, ŵakongorekwa, ŵakutakataka kwawo ku nyumba, ŵamampha, ŵakuthera ku ŵarumi ŵawo kuti mazu ghaku Chiuta ghangatokoskeka cha;

ŴaRoma 2:24

Chifukwa, uli ndimo kwalembeke, “Zina laku Chiuta litokoskeka mu ŵaMitundu pa chifwa chinu.”

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

ŴaGalatia 5:1

Ndi wanangwa Kristu watisanduska ifwe ŵanangwa: viyo ngangamikani, ndipo mungawira so cha mu goŵa la uŵanda.

Machitidu gha Ŵakutumika 15:10

Viyo sono chifukwa chine mutumwesa Chiuta, pakuŵikapo goŵa pa khosi la ŵasambizi, lenilo chingana mbauskefwe chingana ndifwe kuti tinguziŵa cha kunyamuwa?

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 10:7

Ndipo wachiruta mungelo yo wangurongoro nayo, wangudana ŵaŵi ŵa ŵamunyumba yake, ndi wankhondo msopa, waku wo ŵamlindanga rutaruta;

Luka 17:1

Ndipo wanguti ku ŵasambizi ŵake, “Kungaŵa cha kuti virekenge kuza viguŵisku: kweni owe kwaku iyo mwaku mweniyo vituziya!

Mateyu 11:30

Chifukwa goŵa langu ndakoroŵa, ndi chifinga changu nchiyuyu.”

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

1 ŴaKorinte 10:32

Mungaguŵiska ŵaYuda, chingana mbaGriki, chingana ndi mpingu waku Chiuta cha:

Mateyu 11:9

Kumbi mungutuliya chine? Kwachiwona mchimi? Inyadi, ndinene imwe, ndi wakuruska mchimi,

Ezekiele 36:23

Ndikarunjiskanga utuŵa wa zina langu likuru, lo lakazuzgika mukati mu ŵamitundu, lo imwe mwafipiska mukati mwawo; ndipo mitundu yikaziŵanga kuti ine ndine Ambuya, atiti Ambuya Chiuta, penipo ndirunjiska utuŵa wangu mwaku imwe pa maso pa wo.

Ezekiele 36:20

Kweni po ŵanguti ŵasere mu ŵamitundu, ko kose ŵanguya, ŵangufipiska zina langu lituŵa, mwakuti ŵanthu pakuŵakamba ŵatinge, ‘Yaŵa mbanthu ŵa Ambuya, wo ŵakudikiskika mu charu chake.’

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?

Yesaya 52:5

Chifukwa chenichi sono ndendi chine pano, atiti Ambuya, pakuwona kuti ŵanthu ŵangu ŵaruta nawo kwambura kanthu? Weruzgi ŵawo ŵatenjerwa, atiti Ambuya, ndipo kwakukiyakiya zuŵa lose zina langu litozeka.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

2 ŴaKaronga 5:13

Kweni ŵateŵeti ŵake ŵanguza pafupi ndi ŵangumufumba ŵakuti, “Ada, kumbi asani mchimi wangukulanguliyani kuchita chinthu chizitu asi mwatinge muchitenge? Na uzitu ngune pakumuneniyani kuti, ‘Kasambe utozgeke’?”

2 Samuele 12:14

Kweni ndipuuli pakuti chinthu ichi wayeya nacho ukongwa Ambuya, mwana yo wapapika kwako wakafwanga.”

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

Chiyambo 24:12

Ndipo wanguti, “Ambuya, Chiuta wa mbuya wangu Abrahamu, mundisaniliske msana wale, nditukurombani; ndipo rongoni chanju cha wezi ku mbuya wangu Abrahamu.

Chiyambo 24:2

Ndipo Abrahamu wanguti ku muŵanda wake, mura wakuruska wose ŵamu nyumba yake, yo wenga wa mtufu pa vinthu vyose vyeniyo wenga navyo, “Ŵika janja lako kusi ku chigha changu,

Chiyambo 16:9

Mungelo wa Ambuya wanguti kwaku iyo, “Uwere ku mbuyako, ndi ukajithereske kwaku iyo.”