1 Timote 5:25 - Tonga Bible 1986

²⁵ Kwakulingana nako kwe nchitu zeneko zo ziwoneke limu, ndipo nanga zambura kuwoneka zo kuti zingaziŵa kubisika cha.

1 Timote 5:25 Referans Kwoze

Nthanthi 10:9

Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Luka 11:33

“Palive yumoza wati wakozga nyali, wayiŵika mu chimphuli, chingana nkhusi ku mwesu wo, kweni pa chikoleru, alinga kuti ŵakuseremo ŵawonenge uŵali.

1 Timote 3:7

Ndipo so watenere kuŵa ndi mbiri yeneko kwaku wo mbakubwaro; vinu wangawiya mu kawereri ndi chikhwiriki cha diabolo.

Machitidu gha Ŵakutumika 22:12

“Ndipo yumoza, Hananiya, munthurumi wakusopa mwa chilangulu, wakusimikizgika umampha ndi ŵaYuda wose ŵakuja kweniko,

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”