1 Timote 4:10 - Tonga Bible 1986

¹⁰ Chifukwa cheni chititataliya ndipo tilimbalimbiya, pakuti tagomekezge paku Chiuta wamoyo, mweniyo ndi Mtaski wa ŵanthu wose, ukongwa wa ŵachivwanu.

1 Timote 4:10 Referans Kwoze

1 Timote 2:4

mweniyo wakhumba ŵanthu wose kutaskika ndi kufikapo pa mziŵiru wa uneneska.

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

1 Timote 2:6

Yo wangujipereka thumba lapa chifwa chaku wose: chinthu chakusimikizgika pa nyengo zake,

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

Yohane 4:42

Ndipo ku munthukazi yo ŵatinge, “Sono tivwana pa chifukwa cha makani ghako pe cha: kweni pakuti taŵeni tijavwiya, ndipo taziŵa kuti kwakuneneska mwenuyu ndi Mtaski wa charu.”

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Sumu 84:12

Ambuya ŵa maŵanja, wakutumbikika ndi munthu yo wagomekezga mwaku imwe!

ŴaHebere 13:13

Viyo nafwe tituliye kubwaro ku ugoŵi ŵakupinga tozu lake.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 118:8

Nkhwamampha kudingang'a mwa Ambuya, kwakuruska kugomezga munthu.

Sumu 52:8

Kweni ine nde nge ndi muti wa olive wakubiliŵira mu nyumba yaku Chiuta. Ndigomekezga mu chifundu chaku Chiuta muyaya ndi muyaya.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Yeremiya 17:7

“Wakutumbikika ndi munthu mweniyo wagomekezga Ambuya, mweniyo gomezgu lake mba Mbuya.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Sumu 107:2

Ŵanene viyo ŵakuwomboleka ŵa Ambuya, wo aŵawombo ku suzgu,

Sumu 37:40

Ambuya atiwovya ndi kuŵapozomoska; atiŵapozomoska ku ŵaheni, ndi kuŵataska, chifukwa ŵadingang'a mwaku iwo.

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

1 ŴaKorinte 15:10

Kweni ndi wezi waku Chiuta nde ine mo ndiliri: ndipo wezi wake wakwaku ine kuti unguŵa wawaka cha; pakuti ndatakataka kwa nthazi ukongwa kwakuruska iwo wose; ndipuuli ine cha, kweni wezi waku Chiuta wo we nane.

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

1 Timote 2:3

Chenichi nchamampha ndi chamarondeka mu maso ghaku Chiuta Mtaski widu,