1 Timote 4:1 - Tonga Bible 1986

¹ Kweni Mzimu iyo wakamba pakweru, kuti mu nyengo zakumariya ŵanyake ŵadezukengekoku chivwanu, pakuphwere mizimu yirandizgi ndi visambizgu vya ŵademone,

1 Timote 4:1 Referans Kwoze

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

1 Yohane 2:18

Mwatwana, ndi ora lakumariya: ndipo nge ndimo munguvwiya kuti mkanakristu watuza, sono nako ŵalipo ŵamkanakristu ŵanandi; ndimo tiziŵiya kuti ndi ora lakumariya.

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

2 Timote 4:4

ndipo ŵarekenge kuvwa uneneska wo, ndipo ŵang'anamukiyenge ku zinthanu.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 3:6

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:29

Mweniyo we ndi gutu, wavwenge cho Mzimu ukamba ku mipingu.’

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

1 Petro 1:20

mweniyo wanguziŵikwiya limu, chenga chindajarikike charu, kweni wangurongoleka pa umariwa zinyengo chifukwa chaku imwe,

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

1 ŴaKorinte 10:20

Awa na, vyo ŵamitundu ŵabaya, ŵabayiya ŵademone, kuti ŵabayiya kwaku Chiuta cha. Kuti ndikhumba imwe kuŵa ŵakusangana ndi ŵademone cha.

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Yeremiya 49:39

“Kweni mu mazuŵa gha pavuli ndikawezgiyanga umampha paku Elamu, atiti Ambuya.”

Yeremiya 48:47

Kweni ndikawezganga umampha waku Moabu mu mazuŵa gha pavuli, atiti Ambuya.” Cheruzgu cha paku Moabu chafika yapa.

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

Marangu 4:30

Penipo mwe mu suzgu chifukwa vinthu vyose ivi vyakuŵiyani mu mazuŵa ghakumariya, mung'anamukiyenge ku Ambuya Chiuta winu ndi kuvwiya mazu ghake.

Maŵerengedu 24:14

Viyo sono, ehe, ndiruta ku ŵanthu ŵangu, zanga, ndikakuziŵiskanga cho ŵanthu yaŵa ŵakachitanga ku ŵanthu ŵako mu mazuŵa gho ghatuza.”

Chiyambo 3:13

Sono Ambuya Chiuta wanguti ku munthukazi, “Nchine ichi cho wachita?” Munthukazi wanguti, “Njoka yo yingundinyenga ndipo ndingurgha.”

Chivumbuzi 20:8

ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

Chivumbuzi 3:22

Mweniyo we ndi gutu, wavwenge cho Mzimu ukamba ku mipingu.’ ”

Chivumbuzi 3:13

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

1 ŴaKorinte 12:11

Kweni vyose ivi wachita ndi Mzimu mweniyo yumoza pe, wakugaŵiya we yose uli ndimo wakhumbiya.

Machitidu gha Ŵakutumika 28:25

Ndipo pakureka iwo kuzomerezgana, ŵanguruta, Paulo wanguti waŵakambiya mazu ghamoza, “Mzimu Wakupaturika wanguŵakambiya umampha auskemwe mwaku Yesaya, Mchimi yo,

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Machitidu gha Ŵakutumika 13:2

Ndipo ŵachiteŵete iwo Ambuya, ndi kufunga, Mzimu Wakupaturika wanguti, “Ndipatuliyeni Barnaba ndi Saulo ku mlimu wo ndaŵadaniya.”

Ezekiele 1:3

mazu gha Ambuya ghanguza kwaku Ezekiele mzukuru, mwana waku Buzi, mu charu cha ŵaKaldiya ku msinji Kebara; ndipo janja la Ambuya linguŵa nayo kwenikuwa.

Chivumbuzi 16:14

Pakuti mbazimu ŵa ŵademone ŵakuchita minthondwi; wo ŵatenda mu ŵakaronga ŵa charu chose panupasi, kuŵaungang'iya ku nkhondo yo ya zuŵa likuru laku Chiuta Wanthazizose.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

1 ŴaKaronga 13:18

Ndipo wanguti kwaku iyo, “Ine nane ndine mchimi nge ndiwe, ndipo mungelo wangurongoro nane ndi mazu gha Ambuya, wanguti, ‘Kamuwezge uzi nayo pamoza mu nyumba yako kuti wazirghe chiŵande ndi kumwa maji.’ ” Kweni wangumunene utesi.

Yeremiya 23:26

Mpaka zuŵanji mukaŵanga mautesi mu mitima ya ŵamchimi wo ŵachima mautesi, ndi ŵeniwo ŵachima mu kupusika kwa mtima wa ŵeneko?

Mateyu 18:7

“Owe ku charu pa chifwa cha vyakuguŵiska! Chifukwa vikazangadi viguŵisku; kweni owe ku munthu yo mwaku mweniyo chiguŵisku cho chituziya!

Luka 17:1

Ndipo wanguti ku ŵasambizi ŵake, “Kungaŵa cha kuti virekenge kuza viguŵisku: kweni owe kwaku iyo mwaku mweniyo vituziya!

Machitidu gha Ŵakutumika 20:23

kweni kuti Mzimu Wakupaturika watindisimikizgiya, mu muzi ndi muzi, wakunena kuti vimangiru ndi visuzgu vitindilindizga.

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

1 ŴaKorinte 2:10

Kweni Chiuta wavivumbuliya kwaku ifwe mu Mzimu. Pakuti Mzimu yo wapenjapenja vinthu vyose, wapenja ndi vyandimba vyaku Chiuta.

1 ŴaKorinte 11:19

Chifukwa nadi mungwenere kuŵa magaukanu mukati mwinu, alinga kuti ŵawoneke wo mbakurumbika.

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.