1 Timote 2:4 - Tonga Bible 1986

⁴ mweniyo wakhumba ŵanthu wose kutaskika ndi kufikapo pa mziŵiru wa uneneska.

1 Timote 2:4 Referans Kwoze

Ezekiele 18:32

Chifukwa kuti ndendi likondwa cha ndi nyifwa ya munthu we yose, atiti Ambuya Chiuta, viyo ng'anamukani, muŵe ndi umoyo.”

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Ezekiele 18:23

Kumbi ndenalo likondwa pa nyifwa ya muheni, atiti Ambuya Chiuta, asi chakuruska nchakuti wang'anamukeko ku nthowa yake waŵe ndi umoyo?

Tito 2:11

Chifukwa wezi waku Chiuta wabulika, wakutole ŵanthu wose utaski,

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

1 Timote 4:10

Chifukwa cheni chititataliya ndipo tilimbalimbiya, pakuti tagomekezge paku Chiuta wamoyo, mweniyo ndi Mtaski wa ŵanthu wose, ukongwa wa ŵachivwanu.

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Chivumbuzi 14:6

Ndinguwona mungelo munyake wakuwuluka mude mukati, wakuŵa ndi evangeli wamuyaya kwachitauliya ŵakuja pa charu chapasi, ndi ku mtundu wose ndi fuku ndi karongororedu ndi khamu:

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

2 Timote 3:7

ŵakusambira rutaruta, ndi ŵambura kuziŵa kosekose kufikapo pa uziŵiska wa uneneska,

Luka 14:23

Ndipo mbuya yo wangumunene muŵanda, ‘Tuliya ruŵi ku miseu ndi zinthowa, ndi ŵachichizgeni kusere, alinga kuti yizazike nyumba yangu.

Luka 1:77

kwachiziŵiska Utaski ku khamu lake mu chireke cha vyakulakwa vyawo,

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yohane 17:17

Wapatuliyeni mu uneneska wo: mazu ghinu mbuneneska.

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

ŴaHebere 10:26

Chifukwa asani tilakwiya ncheni pavuli pa kuronde mziŵiru wa uneneska wo, kuti ujako so cha mpasku wapa chifukwa cha vilakwa,

Habakuku 2:14

Chifukwa charu chapasi chizazenge ndi mziŵiru wa unkhankhu wa Ambuya, nge ndi maji ghazaza nyanja.

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

ŴaRoma 11:14

Mwakuti ndiŵachite ŵaYuda ŵanyango kuŵa ŵasanji, ndi kutaska ŵanyake ŵaku wo.

Yakobe 3:14

Kweni asani mwe nayo sanji yikaru ndi mphindanu mu mtima winu, mungatumbwiyanga ndi mungatetayanga pa uneneska wo cha.

2 Yohane 1:1

Mura yo ku Fumukazi yakusankhika ndi ku ŵana ŵake, ŵeniwo ndituŵanja mu uneneska; ine pe cha, kweni so wose ŵakuziŵa uneneska wo;