1 Timote 1:16 - Tonga Bible 1986

¹⁶ ndikweni pa chifukwa chaku chenichi ndinguchitikiya lisungu, alinga kuti mwaku ine ndachiŵinda Yesu Kristu waurongole unkhunthiya wake uzirima, uli nchandiru cha ŵakukhasa kuvwaniya mwaku iyo ku umoyo wamuyaya.

1 Timote 1:16 Referans Kwoze

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

ŴaEfeso 2:7

Alinga kuti mu migonezi yo yikazanga warongonge usambasi ukuru wa wezi wake mu wanangwa kuchiri kwaku ifwe mwaku Kristu Yesu:

Luka 7:47

Chifukwa chenichi ndikunene, vyarekeka vyakulakwa vyake vinandi; pakuti wangwanja ukongwa; kweni kwaku yo kamanavi karekeke, watanja kamanavi.”

2 Petro 3:15

Ndipo pimani chelekerezga cha Ambuyafwe kuti mbutaski; uli ndimo so mbali widu wakwanjiwa, Paulo, kwakuyana ndi zeru yo yapaskika kwaku iyo, wangukulembiyani;

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Sumu 25:11

Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

1 Petro 3:20

wo kali ŵangutafula, penipo chilekerezga chaku Chiuta chalerezenga mu mazuŵa ghaku Nowa, chichirongosoleka chingaraŵa mwaku chenicho ŵakuŵerengeka, ndiwo mauzima ghankhonde ndi ghatatu, ŵangutaskika mu maji:

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 3:36

Yo ngwakuvwana mu Mwana we nawo umoyo wamuyaya; kweni yo wareka kuvwana mu Mwana, kuti wamwona umoyo cha, kweni kandundu kaku Chiuta kajaririya paku iyo.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

Machitidu gha Ŵakutumika 13:39

ndipo kuti mwaku iyo, yose wakuvwana warunjiskikiya kwaku vyose kwaku vyenivyo kuti munguziŵa kurunjiskika cha ndi chilangulu cho chaku Mosese.

Yohane 6:54

Wakurgha nyama yangu ndi wakumwa ndopa zangu we ndi umoyo wamuyaya; ndipo ine ndimyuskenge mu zuŵa lakumariya.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

2 ŴaTesalonika 1:10

wachiza mkankhuskikiya mu zuŵa liya mu ŵakupaturika ŵake, ndi kurumbika mwaku wose ŵakuvwana (pakuti chinguvwanika chisimisimi chidu chakwaku imwe).

ŴaEfeso 1:12

kuti ifwe tiŵenge rumbu la unkhankhu wake, ifwe taŵakugomekezgeka kali mwaku Kristu:

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

ŴaRoma 15:4

Pakuti vyo vyose vingulembeke limu, vingulembeke kusambizgika kwidu, alinga kuti mu unkhunthiya ndi mu uchiska wa malembo tiŵe ndi chigomekezgu.

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Luka 23:43

Ndipo wanguti kwaku iyo, “Nadi ndikunene, le uŵenge mu Paradiso pamoza nane.”

Luka 15:10

Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

Maŵerengedu 23:3

Ndipo Balamu wanguti kwaku Balaki, “Wume pafupi ndi mpasku wako wakocha, ine ndikarutanga; vinu Ambuya akazanga kukumana nane; ndipo chose cho akandirongonga ndikukambiyenge.” Ndipo wanguruta pachanya pa muteteti.

Chituwa 34:8

Ndipo Mosese wangukankhamika kukotama ndi wangusopa.

1 ŴaKorinte 7:25

Kweni pa zimbeta ndirive langulu la Mbuya: kweni ndipaska cheruzgu nge ngwakuchitikiya lisungu ndi Mbuya kuŵa wamagomezgeka.