1 Samuele 9:13 - Tonga Bible 1986

¹³ Mutakuti mwasere mu msumba, mumusaniyenge, wenga wandarute kwa chirgha pa malo gha pachanya; chifukwa ŵanthu kuti ŵangargha cha mpaka penipo iyo waza pakuti ndiyo watenere kudanga kutumbika sembe; sono pavuli ndipo ŵakudanika wo ŵarghenge Viyo kwerani mukumanenge nayo sosonukweni.”

1 Samuele 9:13 Referans Kwoze

Yohane 6:11

Viyo Yesu wanguto viŵande vyo; ndipo wati wawonga, wanguŵagaŵiya wo ŵanguteka pasi; ndi tusomba natu kwakulingana, uli ndimo wose ŵakhumbiyanga.

1 Timote 4:4

Pakuti chakwatika chose chaku Chiuta nchamampha, ndipo kangakanizgika kanthu cha, asani karondeka ndi kuwonga;

1 ŴaKorinte 10:30

Asani ine ndisanganapo pakurgha ko ndawonge kali, chifukwa chine ndisuskika kwawaka paku cho ndiwonge?

Yohane 6:23

Kweni tunguzako tungaraŵa twakutuwa ku Tiberia kufupi ndi malo gho ŵangurghiyako chiŵande cho, wati ŵawonga Ambuya.

Luka 24:30

ndipo kunguŵa, wachija nawo pa kurgha, wanguti wato chiŵande, wanguchitumbika, ndipo wanguti wamenya, wapaskanga kwaku wo.

Marko 6:41

Ndipo wati wato viŵande vinkhonde vyo ndi somba zo ziŵi, wangulereska kuchanya, wangutumbika, ndipo wangumenya viŵande vyo; wangupaska ku ŵasambizi kuti waŵajarikiye; ndi somba ziŵi zo wangugaŵiya wose.

Mateyu 26:26

Ndipo ŵachirgha, Yesu wanguto chiŵande wangutumbika, ndi wangumenya; ndipo wangupaska ku ŵasambizi wo, wanguti, “Rondani, rghani; ichi ndi liŵavu langu.”

Mateyu 14:19

Ndipo wati walanguliya mizinda kuteka pasi pa uteka, ndipo wati waronde viŵande vyo vinkhonde ndi somba zo ziŵi, wakulereska kuchanya wangutumbika, ndipo wati wamenya wangupaska viŵande ku ŵasambizi, ndi ŵasambizi wo ku mizinda.

Luka 9:16

Ndipo wanguto viŵande vyo vinkhonde ndi somba zo ziŵi, ndipo wati walereska kuchanya, wanguvitumbika, ndipo wangumenya; ndipo wanguvipaska ku ŵasambizi kujarika paurongo pa mzinda wo.

1 Samuele 2:35

Ndipo nkhajiyuskiyanga mzukuru wa chivwanu, mweniyo wakachitanga kwakuyana ndi mtima wangu ndi zeru zangu; ndikamuzenganga kuŵa nyumba yakukho, wakaserenga ndipo wakatuwanga paurongo pa ŵakupakika ŵangu kwamuyaya.

1 Samuele 9:14

Ŵangukwera, ndipo po ŵaserenga mu msumba ŵanguwona Samuele watuza wakuŵadunjika pa nthowa yakukwere ku malo gha pachanya,

2 Samuele 15:11

Ŵalendo ŵakudanika machumi pe chumi ghaŵi (200) ŵangutuwa pamoza nayo Absalomu mu Yerusalemu, ndipo ŵanguruta ŵaka, ŵambura kuziŵa kanthu.