1 Samuele 8:7 - Tonga Bible 1986

⁷ Pakwamuka Ambuya anguti, “Vwiya mazu gha ŵanthu mwaku vyose vyo ŵakambenge nawe chifukwa kuti ŵapata iwe cha, kweni ŵapata ine kuti ndiŵe karonga wawo.

1 Samuele 8:7 Referans Kwoze

1 Samuele 10:19

Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Chituwa 16:8

Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Mateyu 10:40

“Wakuronde imwe waronde ine, ndipo wakuronde ine waronde wakundituma.

Yohane 13:16

Nadidi ndikuneneskiyani, Muŵanda kuti ndi mraku ku Mbuyake cha; chingana ndi nthumi kuti njiraku ku wakuyituma cha.

Yesaya 66:4

nani mbwenu ndikaŵasankhiyanga yuzgu, ndi kutole mantha ghawo paku iwo ŵeneko; chifukwa, penipo ndingudana, pengavi yumoza wangwamuka, po ndakambanga kuti ŵangutegherezga cha; kweni ŵanguchita cho chenga uheni mu maso ghangu, ŵangusamkha cho ine ndengavi kukondwa nacho.”

Maŵerengedu 22:20

Ndipo Chiuta wanguza kwaku Balamu ndi usiku wanguti kwaku iyo, “Asani ŵanthurumi yaŵa ŵaziya kwazikudana soka, rutanga nawo; kweni chenicho ine ndikakambanga nawe, ndicho ukachitanga.”

Ŵeruzgi 8:23

Gideoni wanguti, “Ine ndi mwana wangu kuti tikakuwusaninga cha; Ambuya akakuwusaninga.”

1 Samuele 8:8

Kwakuyana ndi vyose vyo ŵandichitiya, kutuliya pa zuŵa lo ndinguŵatuzgiya mu Egipiti mpaka ku zuŵa lino mbakundijowo ndi kutataliya ŵachiuta ŵanyake, ndipo ivi ndivyo ŵachitiya ndi iwe.

1 Samuele 8:22

Ambuya angunena ndi Samuele kuti, “Vwiya mazu ghawo, ŵasankhiyi karonga.” Samuele wanguti ku ŵaYisraele, “Rutaninga munthu yose ku msumba wake.”

1 Samuele 12:1

Samuele wangunena ndi ŵaYisraele, “Awonani, ndamuvwiyani mwaku vyose vyo mwandinene, ndipo ndamika karonga pachanya pinu.

1 Samuele 12:12

Ndipo po munguwona Nahashi karonga wa Amoni wachiza kumikana namwe mungundinene kuti, ‘Awa, tikumba karonga pachanya pidu,’ penipo Ambuya Chiuta winu ndiyo wenga karonga winu.

Yeremiya 34:14

‘Pa umari wa virimika vinkhonde ndi chimoza we yose waku imwe wafwatuwe muHebere munyake, mweniyo wakuguliskika kwaku iwe ndipo watataliya iwe virimika vinkhonde ndi chimoza, utenere kumufwatuwako ku nchitu yako.’ Kweni auskemwe kuti ŵangunditegherezga cha chingana nkhundivwa cha.

Ezekiele 2:3

Wanguti, “Mwana wa munthu, nditikutuma ku ŵaYisraele, ku mtundu wa ŵachigaruka, wo ŵandigarukiya ine; iwo ndi auskeu ŵandinangiya ine mpaka zuŵa lino.

Ezekiele 3:7

Kweni nyumba yaku Yisraele kuti yikakuvwanga cha; chifukwa kuti ŵakhumba kuvwa ine cha; pakuti nyumba yose yaku Yisraele yendi mutu wakulimba ndi mtima unonono.