1 Samuele 8:3 - Tonga Bible 1986

³ Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.

1 Samuele 8:3 Referans Kwoze

Marangu 16:19

Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

Sumu 15:5

yo ndrama zake kuti wakongoreske chifukwa cha chanduwu cha, ndipo kuti waronde vinda pa munthu wambura mlando cha. Wakuchita ivi kuti wasukuniskikenge cha.

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

Chituwa 18:21

Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

2 Samuele 15:4

Absalomu wangurutiliya wanguti, “Awe, mphanyi ndinguŵa wakweruzga mu charu! Mwakuti munthu yose wakuŵa ndi mrandu pamwenga chifukwa watinge wazenge kwangu, Ine ndatinge ndi muchitiyenge urunji”.

Wakutaula 2:19

ndipo ndiyani waziŵa manyi wakawanga wa vinjeru pamwenga muzereza? Ndipuuli wakawusanga pa milimu yangu yose yo ndasuzgika nayo pakuchita vinjeru vyangu. Ichi nachu so nchawaka.

Sumu 26:10

ŵanthu ŵeniwo mu manja ghawo mwe kutimbanizga kuheni, ŵeniwo manja ghawo gha marghe ghazaza ndi vinda.

Chituwa 23:6

“Mungatimbanizganga cha uneneska wo ngwa musauchi winu mu mrandu wake.

1 Samuele 2:35

Ndipo nkhajiyuskiyanga mzukuru wa chivwanu, mweniyo wakachitanga kwakuyana ndi mtima wangu ndi zeru zangu; ndikamuzenganga kuŵa nyumba yakukho, wakaserenga ndipo wakatuwanga paurongo pa ŵakupakika ŵangu kwamuyaya.

1 Samuele 12:2

Sono, ehe, karonga watenda paurongo pinu, Ine ndakota ndendi nyivu, awonani, ŵana ŵangu ŵe pamoza namwe; ndipo ndenda paurongo pinu kutuwa pa unyamata wangu mpaka zuŵa linu.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”