1 Samuele 8:20 - Tonga Bible 1986

²⁰ “Awa! Tipenja karonga wakutiusa, mwakuti nafwe tiŵe nge ndi mitundu yose yinyake, ndi kuti karonga widu yo wakatiyeruzganga wakatidanjiriyanga ndipo wakarwanga nkhondo zidu.”

1 Samuele 8:20 Referans Kwoze

1 Samuele 8:5

Ŵangunena nayo, “Awonani, imwe mwakota ndipo ŵana ŵinu kuti ŵatenda munthowa zinu cha; sono tisankhiyeni karonga yo watiusenge, nge ndi mitundu yinyake.”

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

ŴaFilipi 3:20

Chifukwa ifwe msumba widu ngwa kuchanya, kutuwa kweniko tilindizga Mtaski, Mbuyafwe Yesu Kristu:

2 ŴaKorinte 6:17

Chifukwa chenichi tuwanimo mukati mwawu, ndi mupatukemo, watiti Mbuya, ndipo chambura kutowa mungachikwaska cha; ndipo ine nkhamrondeninga imwe,

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

Sumu 106:35

kweni ŵangwendezgana ndi ŵamitundu ndi kusambira nthowa zawo ziheni.

Marangu 7:6

“Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

1 Samuele 12:2

Sono, ehe, karonga watenda paurongo pinu, Ine ndakota ndendi nyivu, awonani, ŵana ŵangu ŵe pamoza namwe; ndipo ndenda paurongo pinu kutuwa pa unyamata wangu mpaka zuŵa linu.

1 Samuele 12:12

Ndipo po munguwona Nahashi karonga wa Amoni wachiza kumikana namwe mungundinene kuti, ‘Awa, tikumba karonga pachanya pidu,’ penipo Ambuya Chiuta winu ndiyo wenga karonga winu.