1 Samuele 7:3 - Tonga Bible 1986

³ Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

1 Samuele 7:3 Referans Kwoze

Luka 4:8

Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Marangu 13:4

Mulondonge Ambuya Chiuta winu, ndi kumopa, ndi kusunga marangu ghake, ndi kuvwiya mazu ghake, ndipo mukamuteŵetiyanga ndi kubatikana nayo.

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

Yoswa 24:23

Yoswa wangunena nawo, “Iku tayani ŵachiuta ŵachilendo wo ŵe mukati mwinu, ndipo ŵikani mtima winu pa Ambuya, Chiuta waku Yisraele.”

Yohane 4:24

Chiuta ndi Mzimu: ndipo ŵakusopa iyo ŵatenere kumsopa mu mzimu ndi mu uneneska.”

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

1 ŴaKaronga 8:48

asani ŵang'anamuka ndi chinjeru chawo chose ndi ndi mtima wawo wose mu charu cha ŵakupindikana ŵawo, wo ŵanguŵayore ku umkoli, ndipo ŵaromba kwaku imwe kurata ku charu chawo, chenicho mungupaska ku auskeu, msumba wo mukusankha, ndi nyumba yo ndazenge zina linu,

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Mateyu 15:8

‘Khamu ili litinditumbika ndi milimo yawo; kweni mtima wawo we kutari kwaku ine.

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Nthanthi 16:1

Vyakulongoso vya muwongu vya munthu, kweni kwamuka kwa lilime kutuwa ku Ambuya.

2 Mikoka 19:3

Kweni kamampha kawonekamo mwaku imwe chifukwa mungutuzgamo chikozgo cha Ashera mu charu ndi kuŵikapo mtima winu pakumpenja Chiuta.”

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

2 Mikoka 30:19

mweniyo wapenja Chiuta, Ambuya, Chiuta wa awiske, nanga wangureka kutozgeka kwakuyana ndi marangu ghakutozgeka gha malo ghakupaturika.”

Ŵeruzgi 2:13

Ŵangujowo Ambuya, ndi ŵangutataliya Bala ndi Ashitaroti.

1 Samuele 31:10

ŵanguŵika vidya vyake mu nyumba yaku Ashitaroto; ndipo ŵangukhoma liŵavu lake pa chimati cha Beteshani.

Yoswa 13:31

ndi lwandi la Gileada, ndi Ashitaroto, ndi Edrei, misumba ya ufumu waku Ogi mu Bashani; iyi yingugaŵikiya ku ŵina Makiri mwana waku Manase nusu la ŵina Makiri kwakuyana ndi mbumba zawo.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 36:3

Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Ezekiele 14:6

“Viyo kamba ku nyumba yaku Yisraele, Ambuya Chiuta watiti: Ng'anamukani, weniko ku ŵangoza ŵinu; wezganiko visku vinu ku maunyakazi ghinu ghose.

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.

Ŵeruzgi 2:11

Ndipo ŵaYisraele ŵanguchita cho chenga chiheni mu maso gha Ambuya, ŵanguteŵete Bala.

2 ŴaKaronga 17:39

Kweni mopenge Ambuya Chiuta winu yo waziŵa kukuwomboni ku janja la ŵakupindikana ŵinu wose.”

2 ŴaKaronga 23:15

Ndipo so jochero pa Betele malo gha visopo gha pachanya gho ghanguzengeka ndi Yeroboamu mwana waku Nebati yo wangulakwiska Yisraele, jochero liya pamoza ndi malo ghake wangubwanganduliya pasi, wanguswa tumanatumana mya, kuyipera kuŵa fuvu, ndipo wangocha Ashera.

2 Mikoka 20:33

Kweni malo gha pachanya kuti ghangutoreka cha, chifukwa ŵanthu ŵengavi kunozgeka mitima yawo fikepo paku Chiuta wa ŵambuyawo.

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,