1 Samuele 6:2 - Tonga Bible 1986

² Ndipo ŵaFilisti ŵangudana ŵazukuru ndi ŵakombeza ŵangunena nawo, “Tikachitanganji ndi bokosi la Ambuya tikambiyeni mo tingaziŵiya kulitumiya ku malo ghake.”

1 Samuele 6:2 Referans Kwoze

Chituwa 7:11

Sono Farao wangudana ŵazeru ndi ŵavyanusi, ndipo so, ŵakuwukwa ŵaEgipiti ŵanguchita kwakukozgana ndi mayera ghawo.

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Danyele 5:7

Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.

Mateyu 2:4

Ndipo wati waungang'iska wose ŵazukuru ŵara ndi ŵalembi ŵa khamu lo, wanguŵafumba po Kristu wangapapikiya.

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

1 Samuele 6:1

Bokosi la phanganu la Ambuya lenga mu charu cha ŵaFilisti myezi yinkhonde ndi yiŵi.

1 Samuele 5:8

Viyo ŵangudanana ndi kuwungana pamoza mafumu ghose gha ŵaFilisti, ŵanguti, “Tikachitanganji ndi bokosi laku Chiuta wa ŵaYisraele?” Wangwamuka ŵanguti, “Rekani bokosi laku Chiuta waku Yisraele litoreke ku Gata.” Viyo ŵanguruta nalo ku Gata.