1 Samuele 4:9 - Tonga Bible 1986

⁹ Khwimani; ndipo mujikhozge nge mbanthurumi, mwa ŵaFilisti, vinu mungaŵa ŵaŵanda ku ŵaHebere nge ndimo iwo ŵanguŵiya kwaku imwe; jikhozgeni mwaŵeni nge mbanthurumi, ndipo rwani.”

1 Samuele 4:9 Referans Kwoze

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Ŵeruzgi 13:1

ŴaYisraele ŵanguwerezgapo kuchita uheni mu maso gha Ambuya; ndipo Ambuya anguŵapereka mu janja la ŵaFilisti kwa virimika machumi ghanayi (40).

2 Samuele 10:12

Khwima mtima, tiŵe ŵanthurumi pa khamu lidu, ndi pa msumba yaku Chiuta widu; Ambuya atichitiye cho nchakuŵakondweska.”

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Ŵeruzgi 10:7

Ndipo ukari wa Ambuya ungukole pa ŵaYisraele, ndipo anguŵaguliska mu janja la ŵaFilisti ndi mu janja la Amoni,

Yesaya 14:2

Ndipo ŵanthu ŵakaŵatonga ndi kuza nawo ku malo ghawo, nyumba yaku Yisraele yikaŵasunganga kuŵa ŵawo mu charu cha Ambuya nge mbaŵanda ŵanthurumi ndi ŵanthukazi, ŵakakonga umkoli ŵeniwo ŵanguko iwo umkoli, ndikuŵatufuliya ŵeniwo ŵangusuzga iwo.

1 Samuele 4:8

Owe ifwe! Njani wangaziŵa kutitaska ku nthazi ya ŵaChiuta yaŵa? Yaŵa mba Chiuta wo ŵangubwanganduwa ŵaEgipiti ndi chideru ndi kuŵamara mu bozwa.

1 Samuele 14:21

Sono ŵaHebere wo ŵenga ku ŵaFilisti pa nyengo ya kudanga, ndipo so ndi wo wangukwere pamoza nawo mu ugoŵi, wose ŵanguwere vuli kuŵa pamoza ndi ŵaYisraele wo ŵenga ndi Sauli ndi Jonafani.