1 Samuele 4:10 - Tonga Bible 1986

¹⁰ Viyo ŵaFilisti ŵangurwa, ndipo ŵaYisraele ŵanguthera, ndi ŵanguthaŵa, munthu yose ku nyumba yake; ndipo kwenga kubayika kukuru, pakuti ŵakubayika mu Yisraele, ŵankhondo ŵake ŵakwenda pasi ŵenga vikwi machumi ghatatu (30,000).

1 Samuele 4:10 Referans Kwoze

2 ŴaKaronga 14:12

Ndipo Yuda wanguthereskeka ndi Yisraele, ndipo munthu yose wanguthaŵiya ku muzi wake.

1 Samuele 4:2

ŴaFilisti ŵangundanda mu mzere kumikana ndi ŵaYisraele, ndipo nkhondo yinguti yatandazgika ŵaFilisti ŵangupunda ŵaYisraele, ŵangubaya ŵanthu akhumba vikwi vinayi (4,000) pa malo gha nkhondo.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

2 Samuele 18:17

Ndipo ŵanguto Absalomu, ŵangumupong'a mu chizenji chikuru ku dondo, ndi kuwunjikapo ndundu yikuru ya mya; ndipo ŵaYisraele wose ŵanguthaŵa munthu yose nyumba yake.

Sumu 78:9

Ŵina Efraimu, wo ŵangurwa ndi mauta, ŵanguthaŵa mu zuŵa la khondo.

2 Mikoka 25:22

Ndipo Yuda wangupundika ndi Yisraele ndipo munthu yose wanguthaŵiya ku muzi wake.

2 Mikoka 13:17

Abija ndi ŵanthu ŵake ŵanguŵakoso, kukoso kukuru; wo ŵanguwa pasi ndi kubayika ŵa ŵaYisraele ŵenga vikwi machumi pe chumi ghankhonde, ŵanthurumi ŵakusankhika (500,000).

1 ŴaKaronga 22:36

Pakuserekwa dazi kubangura kunguporota mu liŵanja la nkhondo, “We yose warutenge ku msumba wake, we yose ku charu chake!”

1 ŴaKaronga 12:16

Ndipo penipo ŵaYisraele wose ŵanguwona kuti karonga wengavi kuŵavwa, ŵanthu ŵangwamuka karonga, “Phande lidu ndine mwaku Davidi? Tirivi chihara mu mwana waku Jese. Kaninga ku mahema ghinu, Yisraele mwe! Sono lereska ku nyumba yaku wamweni, Davidi.” Viyo ŵaYisraele ŵanguwere ku mahema ghawo.

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

2 Samuele 19:8

Sono karonga wangusoka, wanguja pa chitengo chake mu likomo. Ndipo ŵanthu wose ŵanguziŵiskika, kuti, “Awonani, karonga waja pa likomo,” ndipo wose ŵanguza paurongo pa karonga, ŵaYisraele ŵanguthaŵa munthu yose ku nyumba yake.

2 Samuele 18:7

Ndipo ŵaYisraele ŵanguthereskeka kubayika ndi ŵanyamata ŵaku Davidi, ndipo kwenga kubayika kukuru pa zuŵa liya; ŵanthu vikwi machumi ghaŵi (20,000).

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.

1 Samuele 3:11

Sono Ambuya angunena ndi Samuele, “Awona nde pafupi kuchita kanthu mu Yisraele, pakut keniko makutu ghaku we yose yo wakavwanga ghazenenekenge.